विश्वप्रसिद्ध पर्वतारोही निर्मल ‘निम्सदाई’ पुर्जाको निधनप्रति अन्नपूर्ण गाउँपालिकाले गर्यो शोक बिदा घोषणा

काठमाडौं । नेपाली पर्वतारोही निर्मल ‘निम्सदाई’ पुर्जा तथा आरोहण टोलीका सदस्यहरूको दुःखद निधन भएको घटनाप्रति म्याग्दीको अन्नपूर्ण गाउँपालिका–३ ले शोक बिदा घोषणा गरेको छ ।

आइतबार आज एक विज्ञप्ती जारी गर्दै अन्नपूर्ण गाउँपालिकाले यस घटनामा दिवंगत भएका आरोहीहरूप्रति श्रद्धाञ्जली अर्पण तथा सम्मान प्रकट गर्दै भोलि सोमबार शोक बिदा दिने निर्णय गरेको हो । गाउँपालिकाले सम्पूर्ण नागरिकलाई दिवंगत पर्वतारोहीहरूप्रति श्रद्धाञ्जली अर्पण गर्न तथा शोकको यस घडीमा एकताबद्ध हुन आग्रह गरेको छ । उनको असामयिक निधनले नेपाल मात्र होइन, विश्व पर्वतारोहण समुदायलाई नै अपूरणीय क्षति पुगेको गाउँपालिकाले जनाएको छ ।

अन्नपूर्ण गाउँपालिकाले पाकिस्तानस्थित ८,०४७ मिटर अग्लो ब्रेड पिक हिमालमा आएको भीषण हिमपहिरोमा परी विश्वप्रसिद्ध नेपाली पर्वतारोही निर्मल ूनिम्सदाईू पुर्जा तथा उनको आरोहण टोलीका सदस्यहरूको दुःखद निधन भएको घटनाप्रति गहिरो दुःख व्यक्त समेत गरेको छ ।

थप समाचारहरु

जम्मू–कश्मीरमा ‘क्लाउड ब्रस्ट’ : मृत्यु हुनेको सङ्ख्या ४५ पुग्यो शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने क्यासिनोले इजाजतपत्र लिएर मात्र विदेशी मुद्राको कारोबार गर्न पाउने ट्रम्पलाई भेट्न भेनेजुएलाकी विपक्षी नेता मारिया कोरिना माचाडो वाशिंगटन जाने प्रधानमन्त्री कार्कीले लिइन् आगामी निर्वाचनबारे जानकारी राप्रपामा महाधिवेशनको माग तीव्र, नेतृत्वमाथि प्रश्न