काठमाडौं । उपराष्ट्रपति रामसहाय प्रसाद यादव कतारका पूर्व अमिर शेख हमाद बिन खलिफा अल थानीको निधनमा समवेदना व्यक्त गर्न मंगलबार कतार प्रस्थान गरेका छन् ।
राष्ट्रपति रामचन्द्र पौडेलको तर्फबाट समवेदना सन्देश लिएर उपराष्ट्रपति यादव कतार गएका हुन् । कतारका वर्तमान अमिर शेख तमिम बिन हमाद अल थानीका पिता शेख हमाद बिन खलिफा अल थानीको निधन भएपछि नेपाल सरकारको तर्फबाट श्रद्धाञ्जली तथा समवेदना व्यक्त गर्न उनी कतार प्रस्थान गरेका हुन् ।
उपराष्ट्रपति यादवले कतारमा रहँदा त्यहाँका उच्च अधिकारीहरूसँग भेट गरी नेपालका तर्फबाट समवेदना व्यक्त गर्ने कार्यक्रम छ ।
शेख हमाद बिन खलिफा अल थानीले सन् १९९५ देखि २०१३ सम्म कतारको अमिरका रूपमा नेतृत्व गरेका थिए । उनको निधनपछि विभिन्न देशका राष्ट्रप्रमुख तथा सरकार प्रमुखहरूले शोक व्यक्त गरिरहेका छन्।
थप समाचारहरु
एमालेको नयाँ नेतृत्व चयनका लागि आज मतदान हुँदै
एमाले नेता गौतमद्वारा उपमहासचिव पदको उम्मेदवारी फिर्ता
आचारसंहिता अनुगमनलाई प्रभावकारी बनाउने केन्द्रीय सुरक्षा समितिको निर्णय
प्रतिनिधिसभा निर्वाचनः आयोगले नौ प्रकारका सामग्री पठाउने
सरकारले गरिब होइन, गरिबी भगाउने नीति लिनुपर्छः सांसद विष्णुमाया बिक
प्रतिनिधिसभामा दुई वटा विधेयक दर्ता
