काठमाडौं । मेटाको स्वामित्वमा रहेको व्हाट्सएपले प्रयोगकर्तालाई फोन नम्बर नदेखाई सम्पर्क गर्न सकिने नयाँ युजरनेम सुविधा ल्याउने तयारी गर्दै यसको अग्रिम रिजर्भेसन प्रक्रिया सुरु गरेको छ ।
कम्पनीका अनुसार यो सुविधा आगामी महिनाहरूमा चरणबद्ध रूपमा विश्वभरका प्रयोगकर्तासम्म पुग्नेछ । हाल प्रयोगकर्ताले आफूलाई मनपर्ने युजरनेम पहिले नै सुरक्षित गर्न सक्नेछन् । जुन सुविधा पूर्ण रूपमा लागू भएपछि प्रयोगमा आउनेछ ।
व्हाट्सएपले आफ्नो आधिकारिक ब्लगमा यो अपडेट प्रयोगकर्ताको गोपनीयता बढाउने उद्देश्यले ल्याइएको जनाएको छ । विशेषगरी अपरिचित व्यक्ति, ठूला समूह च्याट तथा व्यवसायसँगको संवादमा अब फोन नम्बर देखिने छैन ।
कम्पनीले भनेको छ, ‘नयाँ व्यक्तिसँग भेट हुँदा फोन नम्बर दिनु ठूलो कुरा जस्तो लाग्न सक्छ। त्यसैले अब केवल कुराकानीका लागि फोन नम्बर अनिवार्य हुनेछैन ।’
सुरक्षालाई ध्यानमा राख्दै कम्पनीले ‘युजरनेम कि’ नामक अतिरिक्त सुरक्षा प्रणाली पनि ल्याउने भएको छ । यसका लागि कसैलाई सम्पर्क गर्न युजरनेम मात्र नभई थप कोड पनि आवश्यक पर्नेछ ।
त्यस्तै, युजरनेम प्रणालीमा सार्वजनिक डाइरेक्टरी वा सर्च सुझाव नहुने भएकाले अनावश्यक मेसेज आउने जोखिम घट्ने कम्पनीको दाबी छ । कम्पनीका अनुसार ३५ अक्षरसम्मको युजरनेम राख्न सकिनेछ, जसमा अक्षर, संख्या, डट र अन्डरस्कोर प्रयोग गर्न सकिन्छ । प्रयोगकर्ताले चाहेको बेला युजरनेम परिवर्तन वा हटाउन पनि सक्नेछन् ।
व्यवसाय तथा क्रिएटरहरूले भने आफ्ना मेटा प्लेटफर्म अन्तर्गतका प्लेटफर्महरु जस्तै इन्स्टाग्राम र फेसबुकमा प्रयोग हुने एउटै युजरनेम सुरक्षित गर्न सक्ने सुविधा पनि पाउनेछन् । यो सुविधा चरणबद्ध रूपमा विस्तार गरिने र उपलब्ध भएपछि प्रयोगकर्तालाई इन–एप सूचना पठाइने कम्पनीले जनाएको छ ।
थप समाचारहरु
एमालेको नयाँ नेतृत्व चयनका लागि आज मतदान हुँदै
एमाले नेता गौतमद्वारा उपमहासचिव पदको उम्मेदवारी फिर्ता
आचारसंहिता अनुगमनलाई प्रभावकारी बनाउने केन्द्रीय सुरक्षा समितिको निर्णय
प्रतिनिधिसभा निर्वाचनः आयोगले नौ प्रकारका सामग्री पठाउने
सरकारले गरिब होइन, गरिबी भगाउने नीति लिनुपर्छः सांसद विष्णुमाया बिक
प्रतिनिधिसभामा दुई वटा विधेयक दर्ता
