काठमाडौं । सरकारले मन्त्रालयहरूको संख्या घटाएर १८ कायम गरेसँगै स्वास्थ्य तथा खाद्य स्वच्छता मन्त्रालयमा अब एक जना मात्र सचिव रहने व्यवस्था लागू गरेको छ।
नेपाल सरकारको कार्य विभाजन नियमावली, २०८३ अनुसार मन्त्रालयहरूमा सचिवहरूको दरबन्दी मिलान गर्ने क्रममा स्वास्थ्य मन्त्रालयमा रहेको दुई सचिवको व्यवस्था हटाइएको हो। यसअघि मन्त्रालयमा स्वास्थ्य सेवातर्फ र प्रशासनतर्फ गरी दुई जना सचिव रहने व्यवस्था थियो।
नयाँ व्यवस्था अनुसार स्वास्थ्य सेवातर्फका सचिव डा. विकास देवकोटा मात्र मन्त्रालयमा बहाल रहनेछन्। उनले अब मन्त्रालयको सम्पूर्ण प्रशासनिक तथा प्राविधिक जिम्मेवारी सम्हाल्नेछन्।
यता प्रशासनतर्फका सचिव डिल्ली शर्मा लाई प्रधानमन्त्री तथा मन्त्रिपरिषद्को कार्यालय मा सरुवा गरिएको छ। सोमबार नै उनको मन्त्रालयबाट औपचारिक बिदाइसमेत गरिएको छ।
सरकारको यो निर्णयसँगै स्वास्थ्य मन्त्रालयमा सचिवको संख्या एकमा सीमित भएको छ भने मन्त्रालयको नेतृत्व अब डा. विकास देवकोटाको काँधमा केन्द्रित भएको छ।
थप समाचारहरु
नकरात्मक गुणहरूलाई नियन्त्रण गरेर मानवलाई देवताजस्तै बनाउन सकिन्छ : बुद्धि तामाङ अध्येता
राष्ट्रिय एकताका लागि सबै एक ठाउँमा आउन दुर्गा प्रसाईंको आग्रह
ठगीबाट सचेत रहन बेलायतस्थित नेपाली दूतावासको आग्रह
विद्युत महसुल नतिर्नेको धमाधम लाइन काट्दै गौर वितरण केन्द्र, ९ करोड ५५ लाख बक्यौता उठाउन कठोर
नयाँ संसद, नयाँ एजेन्डा र अपेक्षा
काठमाडौं महानगरले वैशाख १ गतेदेखि रात्रिकालीन बस सेवा सञ्चालन गर्ने
