काठमाडौं । नेपाली कांग्रेसका सभापति गगन थापाले सत्य लेखेकै आधारमा सञ्चारकर्मीले डराउनु नपर्ने वातावरण निर्माण गर्नु सबैको साझा दायित्व भएको बताएका छन् ।
विश्व प्रेस स्वतन्त्रता दिवसको अवसरमा आइतबार सामाजिक सञ्जालमार्फत शुभकामना सन्देश जारी गर्दै उनले स्वतन्त्र र निर्भय प्रेसलाई लोकतन्त्रको प्रमुख आधारस्तम्भका रूपमा उल्लेख गरेका हुन् ।
थापाले बदलिँदो समयमा सूचना संकलन र सत्यको खोजी गर्ने कार्य थप चुनौतीपूर्ण बन्दै गएको बताउँदै यस्तो परिस्थितिमा पनि सत्यको पक्षमा उभिने पत्रकारप्रति सम्मान व्यक्त गरेका छन् ।
“लोकतन्त्रको आधारस्तम्भ नै स्वतन्त्र र निर्भय प्रेस हो,” उनले लेखेका छन्, “तर आजको बदलिँदो समयमा सूचना संकलन र सत्यको खोजी गर्ने कार्य चुनौतीपूर्ण बन्दै गएको छ ।”
उनले प्रेस स्वतन्त्रतालाई कुनै व्यक्ति वा संस्थाविरुद्धको प्रहारका रूपमा नभई नागरिकको सुसूचित हुन पाउने अधिकारको रक्षाका रूपमा बुझ्नुपर्नेमा जोड दिएका छन् ।
सभापति थापाले विश्व प्रेस स्वतन्त्रता दिवसको अवसरमा सम्पूर्ण सञ्चारकर्मीलाई शुभकामना पनि दिएका छन् ।
थप समाचारहरु
बहुविवाहलाई कानुनी मान्यता दिने प्रयास अस्वीकार्य : श्रेष्ठ
संविधानमाथि आक्रमण भइरहेको छ : अध्यक्ष ओली
घलेगाउँ सांस्कृतिक भवनको उद्घाटनका लागि नुवाकोट पुगे प्रचण्ड
आक्रमण प्रयासका बाबजुद इटहरीको युवा जागरण सभामा पुगेका महेश बस्नेतले के भने?
कृषिलाई पहिलो प्राथमिकतामा राखेका छौँः मुख्यमन्त्री यादव
नवनिर्वाचित २७४ जना सांसदले लिए शपथ
