बाजुरा । बाजुरामा चट्याङ लागेर ३९ बाख्रा मरेका छन् । बुधबार दिउँसो बाजुराको स्वामिकार्तिक खापर गाउँपालिका–१ स्थित राउते ओडार भन्ने स्थानमा चट्याङ पर्दा ठुलो सङ्ख्यामा बाख्रा मरेका हुन् ।
अपराह्न करिब ४ बजेतिर परेको चट्याङका कारण दुईजना स्थानीय किसानका ३९ वटा बाख्रा घटनास्थलमै मरेका जिल्ला प्रहरी कार्यालय बाजुराका प्रहरी निरीक्षक एवं प्रवक्ता नरेश बहादुर शाहीले बताए ।
प्रहरीले घटनास्थल पुगेर बुझ्दा स्थानीय सज्जन कडा राका ११ वटा बाख्राको मृत्यु र १५ वटा बाख्रा बेपत्ता रहेको र जसबिर रावलका २८ वटाको मृत्यु र २४ वटा बाख्रा बेपत्ता रहेको र मानवीय क्षेती भने नभएको जानकारी दिए ।
सोही पालिकाको १ रानी सैन वनमा बाख्रा चराउन लगिएको थियो । पानी परिरहेको समयमा चट्याङ पर्दा सो सङ्ख्यामा बाख्राहरू मरेको जानकारी प्राप्त भएको जिल्ला प्रहरी कार्यालय बाजुराले जनाएको छ ।
ठुलो सङ्ख्यामा बाख्रा मरेपछि किसानहरू मारमा परेका छन्।बाजुरामा मंगलबार मात्रै चट्याङ र पहिरोमा परी १६ भेडा बाख्रा मरेका थिए । त्यस्तै ३८ भेडा बाख्रा हराएका थिए । बाजुरामा बर्षेनी विगतजन्य घटनाबाट भेडा बाख्रा मरेर करोडौँको क्षति हुँदै आएको छ ।
थप समाचारहरु
संघीय र प्रदेशका वन मन्त्रालयको ऐन एवम नियमहरु बाझिँदा समस्या
बङ्क–नायल–बुडर सडक कालोपत्रको काम अगाडि बढाउने प्रतिबद्धता
दलित परिवारका लागि सुरक्षित आवास
बाजुरा अस्पतालमा जिवनजल अभाव हुँदा विरामीलाई सास्ती
सुदूरपश्चिममा पर्यटनको प्रमुख बाधा हवाई कनेक्टिभिटी हो : बस्नेत
कक्षा १२ को वार्षिक परीक्षामा बाजुराबाट एक हजार बढी परीक्षार्थी सहभागी हुँदै
