हर्मुज बन्दहुँदा इरानले दैनिक ५० करोड डलर गुमाएको र इज्जत जोगाउन मात्र युद्धको धम्की दिएको ट्रम्पको दाबी

काठमाडौं । हर्मुज जलमार्ग बन्द हुँदा इरानले ठूलो आर्थिक नोक्सानी बेहोरिरहेको र भित्रभित्रै यो मार्ग खोल्नका लागि हारगुहार गरिरहेको अमेरिकी राष्ट्रपति डोनाल्ड ट्रम्पले दाबी गरेका छन् ।

आफ्नो सामाजिक सञ्जाल ट्रुथ सोसलमा एक पोस्ट गर्दै ट्रम्पले इरानले दैनिक ५० करोड डलर गुमाइरहेको उल्लेख गरेका छन् । उनले भनेका छन,‘इरान हर्मुज जलमार्ग बन्द भएको चाहँदैन, उनीहरू यो खुला होस् भन्ने चाहन्छन् ताकि उनीहरूले दैनिक ५० करोड डलर कमाउन सकून् । जलमार्ग बन्द भएकोले उनीहरूले अहिले त्यति नै रकम गुमाइरहेका छन् ।’

ट्रम्पका अनुसार इरानले सार्वजनिक रूपमा जलमार्ग बन्द गर्ने जुन धम्की दिइरहेको छ, त्यो केवल विश्वसामु आफ्नो इज्जत जोगाउने नाटक मात्र हो । उनले थपे, ‘उनीहरू केवल इज्जत जोगाउन जलसन्धि बन्द गर्न चाहन्छौँ भनिरहेका छन । किनकि मैले यसलाई पूर्ण रूपमा नाकाबन्दी गरिदिएको छु ।’

राष्ट्रपति ट्रम्पले केही व्यक्तिहरूले आफूलाई भेटेर इरानको तर्फबाट सन्देश ल्याएको पनि खुलासा गरेका छन् । चार दिनअघि केही मानिसहरूले आफुलाई भेटेर ईरान जलमार्ग खोल्न तयार रहेको बताएको ट्रम्पले दाबी गरेका छन् ।

थप समाचारहरु

फिलिपिन्समा सडक दुर्घटना हुदाँ ११ जनाको मृत्यु पाकिस्तान मुस्लिम लिग–नवाज सरकार चलाउन असमर्थ– राष्ट्रपति जरदारी पूर्वप्रधानमन्त्री हसिनाको कूटनीतिक राहदानी खारेज नेपालजस्ता गरिब देशले विश्व व्यापारबाट किन लाभ लिन सकेनन् ? परराष्ट्रमन्त्री राणा र स्पेनका प्रधानमन्त्रीबीच भेटवार्ता भारतमा जितिया पर्वमा नुहाउने क्रममा ४६ जनाको डुबेर मृत्यु