नेशनल मेडिकल कलेजसहित प्रदेशका अस्पतालहरूको अनुगमन गर्न निर्देशन

काठमाडौं । स्वास्थ्य तथा जनसङ्ख्या मन्त्रालय अन्तर्गतको गुणस्तर मापन तथा नियमन महाशाखाले मधेश प्रदेशका विभिन्न अस्पतालहरूको स्थलगत अनुगमन गरी प्रतिवेदन पेस गर्न निर्देशन दिएको छ ।
मन्त्रालयले वीरगञ्ज स्थित नेशनल मेडिकल कलेज सम्बन्धी गुनासोहरूको सत्यतथ्य छानबिन गर्न विशेष टोली खटाएको हो । टोलीमा डा.फणिन्द्र प्रसाद बराल र राज कुमार पाण्डे लगायत रहेका छन् ।
मन्त्रालयका अनुसार टोलीले गजेन्द्रनारायण सिंह अस्पताल, नारायणी अस्पताल तथा मधेश प्रदेशका अन्य प्रदेशस्तरीय अस्पतालहरू (जनकपुर, महोत्तरी लगायत) सँग समन्वय गरी अनुगमन गर्नेछ ।
अनुगमनका क्रममा हालै जारी गरिएको ‘अस्पताल सेवा सुधार कार्यविधि, २०८२’ अनुसार सेवा प्रवाह भए÷नभएको मूल्यांकन गरिनेछ । साथै, मन्त्रालयले उपलब्ध गराएको चेकलिष्टका आधारमा स्थलगत अध्ययन गरी सात दिनभित्र प्रतिवेदन पेस गर्न निर्देशन दिइएको छ ।
मन्त्रालयका कम्प्युटर अधिकृत सुवास अधिकारीद्वारा जारी सूचनामा मन्त्रालयस्तरीय निर्णयअनुसार उक्त कार्य अगाडि बढाइएको उल्लेख गरिएको छ ।

थप समाचारहरु

एमालेको नयाँ नेतृत्व चयनका लागि आज मतदान हुँदै एमाले नेता गौतमद्वारा उपमहासचिव पदको उम्मेदवारी फिर्ता डिजिटल अधिकारमा एकपक्षीय नीति नै मुख्य चुनौती : तारानाथ दाहाल आचारसंहिता अनुगमनलाई प्रभावकारी बनाउने केन्द्रीय सुरक्षा समितिको निर्णय प्रतिनिधिसभा निर्वाचनः आयोगले नौ प्रकारका सामग्री पठाउने उज्यालो नेपाल जेनजी आन्दोलनपछिको सबैभन्दा नयाँ पार्टी हो : कुलमान घिसिङ