रुवी कुमारीद्वारा दाइजो र बेरोजगारीको मुद्दामा ध्यानाकर्षण

काठमाडौं । श्रम संस्कृति पार्टीकी सांसद रुवी कुमारीले बुधबार प्रतिनिधिसभाको बैठकमा दाइजो प्रथा र बेरोजगारीसम्बन्धी गम्भीर समस्या औंल्याएकी छन् ।
उनले देश तथा प्रदेशमा अहिले दाइजोको कारण धेरै जनताहरु, विशेष गरी महिलाहरु पीडित भैरहेको भन्दै सरकारलाई ध्यानाकर्षण गराइन् ।
उनले भनिन्, ‘देश तथा प्रदेशमा अहिले दाइजोको कारण धेरै जनताहरु, विशेष गरी महिलाहरु पीडित भैरहेका छन् । दाइजोका कारण महिलाहरु मर्न बाध्य भएका छन् । यसैले दाइजोमुक्त समाजको आवश्यकता छ ।’
यसैगरी उनले मधेस प्रदेशमा युवाहरुको रोजगारको अवस्था धेरै नै जटिल रहेको बताइन् । उनले सरकार परिवर्तन भए पनि दाइजो र कृषि सम्बन्धी समस्या अझै समाधान हुन नसकेको गुनासो गरिन् ।
उनले भनिन्, ‘युवाहरु बेरोजगार छन् । मधेस प्रदेशमा युवाहरुको रोजगारको अवस्था धेरै नै जटिल छ । यसका साथै कृषकहरुको अवस्था पनि गम्भीर छ । सिँचाईको लागि पर्याप्त पानीको व्यवस्था हुनुपर्छ। सरकार परिवर्तन भए पनि दाइजो र कृषि सम्बन्धी समस्या अझै समाधान भएको छैन ।’

थप समाचारहरु

दलका जेनजीहरु भन्छन् : मागहरु जायज छन् तर नेतृत्व र प्रक्रियामा खुशी छैनौं मन्त्री आवासको प्रारम्भिक क्षति विवरण सङ्कलन सुरु आयोगका पदाधिकारीको राजीनामा माग गर्दै द्वन्द्वपीडित धर्नामा राष्ट्रिय मेलमिलाप नीति आज पनि उत्तिकै सान्दर्भिक छ : डा. शेखर कोइराला गिरिजाप्रसाद कोइरालाको १६औँ स्मृति दिवस मनाइँदै आज विश्व पानी दिवस मनाइँदै