आउने परिणाम सहर्ष स्वीकार गर्छु, योग्य प्रतिनिधि छान्नुहोस् : रेनु दाहाल

चितवन । चितवन क्षेत्र नम्बर ३ बाट प्रतिनिधिसभा सदस्यका लागि बिहीबार जारी मतदान प्रक्रियामा सहभागी भएपछि रेनु दाहालले निर्वाचनको परिणामलाई सहर्ष स्वीकार गर्ने बताएकी छन् ।

दाहालले मतदाताहरूलाई विवेक प्रयोग गरेर योग्य, इमानदार र कामबाट प्रमाणित भइसकेका प्रतिनिधिलाई छान्न आग्रह गरिन् ।

‘आफ्नो भाग्य र भविष्यको फैसला गर्ने अधिकार तपाईंहरूको हातमा छ,’ उनले भनिन्, ‘आवेगमा आएर वा हतारमा निर्णय गरेर पछि पछुताउने अवस्था नआओस्। विवेक पु¥याएर मतदान गर्नुहोस् ।’

चितवनमा भयरहित र निष्पक्ष वातावरणमा मतदान भइरहेको उल्लेख गर्दै दाहालले आफू निकै उत्साहित र खुसी रहेको बताइन् । आफ्नो जितको सम्भावनाबारे चर्चा गर्दै उनले थपिन्, ‘मेरो जित्ने सम्भावना पूर्ण छ, रेनु दाहालले हार्नुपर्ने कुनै कारण छैन् । यद्यपि, जनताले दिने परिणामलाई म सहर्ष स्वीकार गर्छु ।’

यो दिनलाई जनताले आफ्नो अमूल्य मत प्रयोग गर्ने महत्त्वपूर्ण अवसरका रूपमा चित्रण गरिन् ।

थप समाचारहरु

शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने मन्त्री कुलमान घिसिङ र कोरियाका राजदूतबीच भेटवार्ता विशेष महाधिवेशनले एकताको सन्देश दिनेछ कांग्रेसले इतिहासको योगदानको ब्याज मात्र खाएर बसेर भविष्य बन्दैन : पूर्व उपसभापति श्रेष्ठ विशेष महाधिवेशन शक्ति वा सत्ताको संघर्ष होइन, सोचको लडाइँ हो : गगन थापा कांग्रेस केन्द्रीय कार्यसमिति बैठकको समय परिवर्तन