काठमाडौं । केपी शर्मा ओलीले मध्यपूर्वमा भइरहेको मिसाइल आक्रमणप्रति गहिरो चिन्ता व्यक्त गर्दै नेपालमा कुनै पनि आवरणमा युद्धको धुँवा प्रवेश नगरोस् भन्ने कामना गरेका छन् ।
नेपाल कम्युनिष्ट पार्टी (एमाले)का अध्यक्ष ओलीले सामाजिक सञ्जालमार्फत मध्यपूर्व क्षेत्रमा भइरहेको द्वन्द्वका कारण आफूलाई निदाउनसमेत नसकेको उल्लेख गरेका छन् ।
उनले सो क्षेत्रमा रहेका लाखौं नेपाली नागरिक आपत र त्रासको अवस्थामा रहेको भन्दै उनीहरूका परिवार नेपालमा पलपल छट्पटाएर बस्नु परेको बताए ।
ओलीले लेखेका छन् ‘मध्यपूर्वका देशहरूमाथिको आकाशबाट बर्सिएका मिसाइलको धुँवाको दृश्यले आज निद्रा परेको छैन । ती देशमा लाखौं नेपाली आपत र कोलाहलमा छन्, तिनका परिवार यहाँ छट्पटाएर बस्नु परेको छ ।’
उनले आजको खुला विश्वमा रोजगारी, शिक्षा र अवसरका लागि नागरिकहरू विश्वभर आवतजावत गर्नु स्वाभाविक भए पनि युद्ध र भूराजनीतिक चपेटा अस्वाभाविक र खतरनाक अवस्था भएको टिप्पणी गरे । शक्तिको स्वार्थका कारण कतिपय देशहरू विवशतामा युद्धतर्फ धकेलिनुपर्ने अवस्था आएको पनि उनको भनाइ छ ।
थप समाचारहरु
एमालेको नयाँ नेतृत्व चयनका लागि आज मतदान हुँदै
एमाले नेता गौतमद्वारा उपमहासचिव पदको उम्मेदवारी फिर्ता
डिजिटल अधिकारमा एकपक्षीय नीति नै मुख्य चुनौती : तारानाथ दाहाल
माले महाधिवेशन : उत्साहपूर्ण मतदान प्रक्रिया सुरु
उज्यालो नेपाल जेनजी आन्दोलनपछिको सबैभन्दा नयाँ पार्टी हो : कुलमान घिसिङ
रास्वपाका वरिष्ठ नेता बालेन आज सर्लाही जाँदै
