काठमाडौं । राष्ट्रिय स्वतन्त्र पार्टी (रास्वपा) का उपसभापति डोलप्रसाद (डीपी) अर्यालले आसन्न राजनीतिक गतिविधि र संगठन सुदृढीकरणलाई लक्षित गर्दै नागार्जुन नगरपालिकामा घरदैलो कार्यक्रम सम्पन्न गरेका छन् ।
बुधबार विहान ७ बजे नागार्जुन वडा नम्बर १० को गन्तव्य गेटबाट सुरु भएको कार्यक्रम कमलेश्वर मन्दिर दर्शनसँगै अघि बढेको थियो । त्यसक्रममा अमरज्योति स्कुल, स्थानीय दूध डेरी, रामसर (दोबाटो), सिउडोल क्षेत्र, घ्याम्पेकुवा, तारकेश्वर खानेपानी, गजुरेल टोल र पार्टीचोक हुँदै वडा नम्बर ९ को आदर्श टोलमा पुगेर अभियान समापन गरिएको थियो ।
घरदैलोका क्रममा अर्यालले स्थानीय मतदातासँग भेटघाट गर्दै पार्टीका एजेन्डा, सुशासन र सेवा प्रवाहका विषयमा छलफल गरेका थिए । रास्वपाले यस कार्यक्रमलाई आगामी निर्वाचन लक्षित संगठन विस्तार र मतदाता सम्पर्क अभियानको हिस्साका रूपमा लिएको जनाएको छ ।
यसै अवसरमा अर्यालले बुढाथोकी गाउँमा नागार्जुन वडा नम्बर ९ र १० को संयुक्त वडा सम्पर्क कार्यालय उद्घाटन गरेका छन् । पार्टीले स्थानीय तहमा संगठनात्मक उपस्थिति बलियो बनाउने रणनीतिअनुसार सम्पर्क कार्यालय विस्तारलाई तीव्रता दिएको बताइएको छ ।
थप समाचारहरु
नागरिकको अपेक्षा र आवश्यकताअनुसार प्रदेश सरकारले काम गर्छ : मुख्यमन्त्री कँडेल
मानसिक स्वास्थ्यलाई उच्च प्राथमिकतामा राखेका छौः स्वास्थ्य मन्त्री गौतम
नेकपा एमालेको मूल व्यवस्थापन समितिको बैठक बस्दै
यस्ता छन् मन्त्रिपरिषद् बैठकका निर्णयहरु
चुनावी अभियानमा रास्वपाका नेता बालेन शाह तेह्रथुममा
प्रतिनिधिसभा निर्वाचन ३८ दिन बाँकीः संयुक्त निर्वाचन सञ्चालन केन्द्रले थाल्यो काम
