काठमाडौं । पशुपतिनाथ मन्दिरमा विशेष पूजा आराधना गरी भक्तजनलाई शिवलिङ्गको दुर्लभ ‘छाया दर्शन’ गराइएको छ । उक्त दर्शनको लागि पशुपति क्षेत्रमा भक्तजनको ठूलो घुइँचो लागेको थियो ।
हिउँद सकिँदै गर्दा र सूर्य उत्तरायणतर्फ लागेर दिन न्यानो हुन थालेको सङ्केतसँगै पशुपतिनाथमा यो धार्मिक र रहस्यमयी उत्सव सम्पन्न हुने गर्दछ, जसले विज्ञान, इतिहास र अध्यात्मलाई एकै ठाउँमा उनेको विश्वास गरिन्छ ।
पशुपतिनाथका पाँच मुखमध्ये दक्षिणतर्फको अघोर स्वरूपलाई संहार र शक्तिको प्रचण्ड प्रतीक मानिन्छ । शास्त्र र जनश्रुतिअनुसार यसको तेज यति प्रखर हुन्छ कि सामान्य आँखाले सिधा हेर्न कठिन हुने भएकाले जलमा प्रतिविम्बित गराएर हेर्ने विधि बसालिएको हो ।
पशुपति मन्दिरको दक्षिणपट्टिको मझेरीमा जल भरिएको स्थानमा दिउँसोदेखि साँझको आरती अघिसम्म यो दिव्य प्रतिविम्ब गरिन्छ । यो छायाँ दर्शनको ६ महिनापछि ‘पवित्रारोपण’ हुने गर्दछ, जसले समय र ऋतुको चक्रलाई सन्तुलनमा राख्ने विश्वास गरिन्छ ।
थप समाचारहरु
संसदीय सुनुवाइ समिति (संयुक्त) को बैठक बस्दै
हामी निर्वाचनमा जान तयार छौं तर सरकार तयार छैन् : सन्तोष परियार
विप्लव नेतृत्वको नेकपा समाजवादी मोर्चाबाट अलग
मधेश प्रदेश सरकारमा अस्थिरता ल्याउने काममा जनमत पार्टी प्रमुख कारक हो :
जेनजी पुस्ताले उठाएको मुद्दा रास्वपाले पहिल्यै उठाएको हो : कविन्द्र वुर्लाकोटी
स्वदेश फिर्ती र पुनःएकिकरण’ विषयमा राष्ट्रिय परामर्श
