काठमाडौँ । मानवसेवा आश्रमले खुला सडकपेटी तथा सार्वजनिक स्थलमा बेवारिसे अवस्थामा रहेका २ पुरुष र १ महिला गरी ३ जना सडकआश्रित व्यक्तिको उद्धार गरेको छ। उद्धार सेवाअन्तर्गत बिहीबार काठमाडौँस्थित रानीवन शाखाले २ जना र पोखराको हेम्जा शाखाले १ जना बेवारिसे व्यक्तिको उद्धार गर्न सफल भएका हुन्। उद्धारपश्चात आश्रमले उनीहरूलाई संरक्षण, उपचारसँगै आवश्यक सेवाको व्यवस्था गरेको छ।
माघे संक्रान्तिको अवसरमा आश्रमका विभिन्न शाखामा आश्रितहरूको सेवा सहजीकरणका लागि सहयोगी दाताहरूबाट उल्लेखनीय सहयोग प्राप्त भएको छ। बिहीबार १ करोड १५ लाख १८ हजार ९ सय ५२ रुपैयाँ बराबरको सेवा योगदान प्राप्त भएको छ भने आश्रितहरूको सेवा व्यवस्थापनमा ७१ हजार ८ सय ८ रुपैयाँ खर्च गरिएकाे मानवसेवा आश्रमले जनाएकाे छ
त्यसैगरी बिहानी र बेलुकी गरी आश्रमका विभिन्न शाखाहरूमा ४६ वटा भोजन सेवा तथा १७ वटा खाजा सेवा सम्पन्न भएका छन्। सोही दिन ५ सय ८२ जनाले आश्रमका विभिन्न शाखाको अवलोकन गरेका छन् भने ३ लाख ८३ हजार ८ सय ६ रुपैयाँ बराबरकाे जिन्सी सामग्री सहयोग प्राप्त भएकाे छ ।
मानवसेवा आश्रमले आफैँका लागि आफैँ केही गर्न नसक्ने अवस्थामा रहेका व्यक्तिहरूको सारथी बनेर हाल देशका २१ जिल्लामा २९ वटा शाखामार्फत सडकआश्रित व्यक्तिहरूको उद्धार, उपचार, संरक्षण र पारिवारिक पुनर्मिलन सेवा निरन्तर रूपमा प्रदान गर्दै आएको छ।
थप समाचारहरु
कति सिकियो त भूकम्पले सिकाएको पाठ
असमानता, गरिबी र भ्रष्टाचारलाई चिरेर सरकार अघि बढ्छ : प्रधानमन्त्री
चित्रकला, संगीत र साहित्यिक कार्यक्रमबाट बालबालिकाको चौतर्फी विकासमा सहयोग हुन्छ : प्रमुख शाह
पाँचवटा संसदीय समितिको बैठक बस्दै, यस्ता छन् कार्यसूची
राष्ट्रिय पुरुष तथा महिला हक्की प्रतियोगिता हुँदै
‘भिजिट भिसा प्रकरणका विषयमा छानविन समिति बनाउन गम्भीर बन्नुपर्छ’
