चितवन । मानवसेवा आश्रम शाखा कार्यालय चितवनले उद्धारको चार दिनमै एक जना आश्रितको सफल पारिवारिक पुनर्मिलन गराउन सफल भएको छ, जसले आश्रमको सक्रियता र प्रभावकारी समन्वय क्षमतालाई उजागर गरेको छ।
गैडाकोट नगरपालिका–१ स्थायी घर हुनुभएका ६५ वर्षीय प्रेमबहादुर कुमाललाई केही दिनअघि सडकपेटीमा बेवारिसे अवस्थामा फेला परेपछि आश्रमले उद्धार गरी संरक्षणमा राखेको थियो। उद्धारको छोटो समयमै उहाँको परिवार आश्रमको सम्पर्कमा आएपछि आवश्यक प्रकृिया पूरा गरी आश्रमले उहाँलाई छोराको जिम्मा लगाएको हाे ।
यसैबीच बुधबार मानवसेवा आश्रम चितवन शाखामा आश्रितहरूको नियमित मानसिक स्वास्थ्य परीक्षण कार्यक्रम सम्पन्न भएको छ। आश्रममा आश्रितहरूको मानसिक स्वास्थ्य सुदृढीकरणका लागि प्रत्येक १५–१५ दिनमा नियमित रूपमा मानसिक स्वास्थ्य परीक्षण तथा परामर्श सेवा सञ्चालन हुँदै आएको छ।
जसबाट मानसिक समस्याबाट बढी प्रभावित २० जना आश्रितहरूले मानसिक स्वास्थ्य सेवाको प्रत्यक्ष लाभ लिनुभएकाे छ। परीक्षण तथा परामर्श सेवाको सहजीकरण डा. सिर्जना भुर्तेल तथा नेपाल मानसिक स्वास्थ्य प्रतिष्ठान टोलीले गरेको हो।
शारीरिक स्वास्थ्यसँगै मानसिक स्वास्थ्यलाई प्राथमिकतामा राख्दै मानवसेवा आश्रमले आश्रितहरूको दीर्घकालीन पुनःस्थापना र सम्मानजनक जीवन सुनिश्चित गर्न नियमित रूपमा सेवा सञ्चालन गर्दै आएको चितवन जिल्ला संयोजक आरती ऐरले जानकारी दिनुभयाे।
थप समाचारहरु
नेपाल विश्वविद्यालयको कुलपतिमा डा.लोहनी चयन
एमाले अपराधीलाई बचाउँन लाग्दैन : पूर्वमन्त्री पण्डित
काठमाडौंमा राप्रपाको प्रदर्शन, तीनकुने घट्नाको छानविनको माग
भूकम्पको शिर्षकमा बजेट छुट्याउन माओवादीको आग्रह
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
विशेष महाधिवेशनले एकताको सन्देश दिनेछ
