काठमाडौँ । मानवसेवा आश्रमले देशभर सञ्चालन गरेका शाखामार्फत बुधबार ३४ वटा भोजनसेवा र ४ वटा खाजासेवा सम्पन्न गरेको छ। विभिन्न अवसरमा मनकारी दाताहरूबाट प्राप्त सहयोगले आश्रममा आश्रितहरूको दैनिक सेवा, संरक्षण र व्यवस्थापनमा सहयोग पुगिरहेको छ ।
उद्धार तथा पुनर्मिलनका गतिविधिअन्तर्गत बुधबार मानवसेवा आश्रम वीरगञ्ज शाखाले १ जना बेवारिसे सडकआश्रित मानवको उद्धार गरेको छ। साथै आश्रमको सक्रिय पहलमा विराटनगर, तिलोत्तमा र चितवन शाखामार्फत ३ जना आश्रितहरूको सफल पारिवारिक पुनर्मिलन भएको छ।
वर्षौदेखि घरपरिवार हुँदाहुँदै पनि मानसिक, सामाजिक तथा आर्थिक कारणले सम्पर्कविहीन बनेका व्यक्तिहरूले मानवसेवा आश्रमको संरक्षण र निरन्तर प्रयासका कारण पुनः परिवारको न्यानो काखमा फर्किने अवसर पाउने गरेका छन्। आश्रमले सडकआश्रित तथा असहाय व्यक्तिहरूको उद्धार, उपचार, संरक्षण र सम्भव हुनेहरूको पारिवारिक पुनर्मिलनलाई आफ्नो प्रमुख मानवीय अभियानका रूपमा सेवा अघि बढाउँदै आएको छ।
बिहीबार मानवसेवा आश्रममालाई ८ लाख ४१ हजार ५ सय ३० रुपैयाँ बराबरकाे सेवा याेगदान प्राप्त भएको छ भने सोही दिन आश्रितहरूको सेवा व्यवस्थापनमा ७ लाख ५ सय ९४ रुपैयाँ खर्च आश्रमले जनाएको छ। त्यसैगरी सोही दिन ३ सय ५८ जनाले देशभरका विभिन्न शाखाहरूको अवलोकन भ्रमण गरेका छन् भने २ लाख १ हजार ४ सय ४० रुपैयाँ बराबरको जिन्सी सामग्री सहयोग प्राप्त भएको छ।
आश्रमले देश तथा विदेशमा रहनुभएका नेपाली मनकारी दाता र तीनै तहका सरकारकाे सहयाेग मार्फत सेवालाई निरन्तरता दिइरहेकाे छ ।
थप समाचारहरु
चितवनमा २ हजारभन्दा बढी किसानलाई उन्नत बीउमा अनुदान
नेपाल विश्वविद्यालयको कुलपतिमा डा.लोहनी चयन
‘स्थानीय उद्यमशीलताको विकास र रोजगारी सृजना अहिलेको अवश्यकता
भूकम्पको शिर्षकमा बजेट छुट्याउन माओवादीको आग्रह
सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
