काठमाडौँ । मानवसेवा आश्रमले मंगलबार खुला सडकपेटी तथा सार्वजनिक स्थलमा बेवारिसे अवस्थामा रहेका ५ जना सडकआश्रित मानवहरूको उद्धार गरेको छ भने १ जना आश्रितको पारिवारिक पुनर्मिलन गराएको छ।
आश्रमका कैलाली, रौतहट, बाँके, भक्तपुर र रूपन्देहीस्थित तिलोत्तमा शाखामार्फत एक–एक जना गरी ५ जना सडकआश्रित मानवको उद्धार गरिएको छ ।
मंगलबार आश्रितहरूको सेवा सहजीकरणका लागि सहयाेगी दाताहरूबाट विभिन्न अवसरमा सहयोग प्राप्त भएको हाे । जसबाट आश्रमलाई कुल ९ लाख ९ हजार ९२ रुपैयाँ बराबरको सेवा योगदान प्राप्त भएको छ भने साेही दिन आश्रितहरूको सेवा व्यवस्थापनमा ७ लाख ५१ हजार ६ सय ७४ रुपैयाँ सेवा सदुपयाेग भएकाे आश्रमले जनाएको छ।
त्यसैगरी बिहान र बेलुका गरी आश्रमका विभिन्न शाखाहरूमा ३५ वटा भोजनसेवा तथा ८ वटा खाजासेवा सम्पन्न भएका छन्।मंगलबार विभिन्न प्रयोजनका लागि ४ सय ९८ जनाले आश्रमका विभिन्न शाखाहरूको अवलोकन गर्नुका साथै २ लाख ७६ हजार २ सय ५८ रुपैयाँ बराबरका जिन्सी सामग्री सहयोग बापत आश्रमलाई प्राप्त भएको छ ।
मानवसेवा आश्रमले आफ्ना लागि आफैँ केही गर्न नसक्ने अवस्थामा रहेका व्यक्तिहरूको सारथी बनेर देशका २१ जिल्लामा २९ वटा शाखा विस्तार गरी, उद्धार, उपचार, पालनपोषण र पारिवारिक जिम्मेवारी पूरा गर्दै सेवा प्रवाह गरिरहेको छ।
थप समाचारहरु
सिन्धुपाल्चोक केन्द्रविन्दु भएर ६.१ रेक्टर स्केलको भूकम्प
सभापति देउवाद्वारा ग्याल्पो ल्होसारको शुभकामना सन्देश
राष्ट्रियसभाबाट पाँचवटै प्रतिस्थापन विधेयक बहुमतले पारित
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड
प्रतिनिधिसभा बैठक बस्दै, नीति, कार्यक्रममाथि छलफल जारी रहने
