काठमाडौँ, २७ पुसः विघटित प्रतिनिधिसभाका सभामुख देवराज घिमिरेले राष्ट्रिय एकता, आपसी सद्भाव र समृद्ध नेपालको साझा सङ्कल्पलाई अझ सुदृढ बनाओस् भन्ने कामना व्यक्त गरेका छन् ।
पृथ्वीजयन्ती तथा राष्ट्रिय एकता दिवसका उपलक्ष्यमा आज एक शुभकामना सन्देश जारी गर्दै सभामुख घिमिरेले राष्ट्रनिर्माता शाहले मुलुकको एकीकरण प्रक्रियामा पुर्याएका योगदानको उच्च मूल्याङ्कनसहित उनको प्रति सम्मान व्यक्त गरेका छन् ।
उनले सन्देशमा स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइमा शुभकामना व्यक्त गरेका छन् ।
स–साना राज्यलाई एकीकरण गरी स्वतन्त्र, सार्वभौम र स्वाभिमानी नेपालको जग बसाल्ने पृथ्वीनारायण शाहको दूरदर्शी नेतृत्व, राष्ट्रप्रेम र एकताको भावना आज पनि हामी सबैका लागि प्रेरणाको स्रोत हो, सन्देशमा भनिएको छ, उनका विचार र दिव्योपदेशले राष्ट्रिय एकता, आत्मनिर्भरता र देशहितलाई सधैँ मार्गदर्शन गरिरहने छन् ।
थप समाचारहरु
सिन्धुपाल्चोक केन्द्रविन्दु भएर ६.१ रेक्टर स्केलको भूकम्प
सभापति देउवाद्वारा ग्याल्पो ल्होसारको शुभकामना सन्देश
राष्ट्रियसभाबाट पाँचवटै प्रतिस्थापन विधेयक बहुमतले पारित
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड
प्रतिनिधिसभा बैठक बस्दै, नीति, कार्यक्रममाथि छलफल जारी रहने
