लमजुङ । सहयोगापेक्षी सडकआश्रित मानवमुक्त राष्ट्र निर्माणको महाअभियानमा जुटेको मानवसेवा आश्रम लमजुङ शाखाले आर्थिक वर्ष २०८१/८२ को वार्षिक प्रगति तथा लेखापरीक्षण प्रतिवेदन सार्वजनिक गरेको छ।
दान, चन्दा र विभिन्न सहयोग मार्फत शाखाले ४४ लाख ५७ हजार ६ सय ८ रुपैयाँ कुल आम्दानी गरेको छ ।आश्रम सञ्चालन, प्रशासनिक र कर्मचारी खर्च लगायतमा कुल ३९ लाख ३७ हजार ३ सय ४८ रुपैयाँ खर्च भएको छ भने शाखाले सबै खर्च कटाएर यस वर्ष ५ लाख २० हजार २ सय ६० रुपैयाँ बचत गर्न सफल भएकाे छ । संस्थाको कुल सम्पत्ति ४ करोड ४८ लाख ४९ हजार ४ सय ७ रुपैयाँ पुगेको छ, जसमा निर्माणाधीन भवन लगायतका स्थिर सम्पत्तिको ठूलो योगदान रहेको छ ।
वि.सं २०७३ चैत्र १२ देखि हालसम्मको शाखाले १ सय ४६ जनाको उद्धार गरेकाे हाे भने ५९ जनालाई परिवारमा पुनर्मिलन गराउन सफल भएको छ । यसवर्ष लमजुङ शाखाले १७ जना सहयोगापेक्षी व्यक्तिहरूको उद्धार गरेको छ भने उद्धार गरिएकामध्ये ११ जनालाई आवश्यक उपचार र परामर्श पश्चात सफल रूपमा पारिवारिक पुनर्मिलन गराइएको हाे । हाल शाखाको संरक्षणमा १३ महिला र १३ पुरूष गरी २६ जना आश्रित रहेका छन् ।
आश्रमले आफ्नो आर्थिक गतिविधिहरूलाई पारदर्शी र प्रभावकारी बनाउन चार्टर्ड एकाउन्टेन्ट्स ‘नबिन बन्जाडे एण्ड एसोसीएट्स’ बाट गराएको लेखापरीक्षण प्रतिवेदन पनि सार्वजनिक गरेको छ ।
आश्रमले गण्डकी प्रदेश सरकार र स्थानीय तहहरूसँगको समन्वयमा गण्डकी प्रदेशलाई सडकआश्रित मानवमुक्त घोषणा गरेसँगै कार्यक्रमलाई प्रभावकारी रूपमा कार्यान्वयन गर्ने लक्ष्य लिएको छ। पारिवारिक पहिचान नभएका व्यक्तिहरूको पुनःस्थापना र बेसहाराहरूको सेवामा समर्पित रहने मूल आदर्शलाई आत्मसात गर्दै संस्थाले आफ्नो अभियानलाई निरन्तरता दिइरहेकाे छ ।
थप समाचारहरु
पृथ्वी राजमार्गको गोरेचौतारामा दुई वटा बस ठोक्किदा २९ जना घाइते
लुम्बिनी र गण्डकी प्रदेश सरकार संयुक्त बैठकः गण्डकी आर्थिक त्रिभुज परियोजना कार्यान्वयनमा साझा सहमति
पोखरामा खुँडा हानेर भागेका युवा खुँडासहित पक्राउ
चुमनुब्रीमा १४ सयको निःशुल्क आँखा जाँच
मुग्लिन–पोखरा सडकः दमौली बजारमा धमाधम कालोपत्र हुँदै
आन्दोलनका कारण पोखराको जनजीवन प्रभावित
