धरान । जाडाे माैसमलाई मध्यनजर गर्दै मानवसेवा आश्रम धरान शाखामा न्यानो कपडा वितरण गरिएको छ।
धरान उपमहानगरपालिका–०८, गुराँस चोक निवासी सरिता मल्ल ठकुरीले आफ्नी स्वर्गीय आमाको स्मृतिमा मानवसेवा आश्रम धरान शाखामा आश्रित २९ जना बुवाहरूका लागि न्यानो कपडा वितरण गर्नुभएको हो।
जाडोको मौसममा आश्रममा आश्रित असहाय तथा बेसहारा नागरिकहरूलाई न्यानो र सुरक्षित वातावरण उपलब्ध गराउने उद्देश्यले प्रदान गरिएको यस सहयोगले आश्रमको सेवा व्यवस्थापनमा महत्वपूर्ण सहयोग पुगेको आश्रमले जनाएको छ।
स्वर्गीय आमाको स्मृतिलाई मानवीय सेवामार्फत् अमर बनाउँदै गरिएको यस पुण्यकार्यप्रति मानवसेवा आश्रम धरान शाखाले सरिता मल्ल ठकुरीप्रति हार्दिक आभार व्यक्त गरेको छ।
मानवसेवा आश्रमले यस्ता सहयोग, सद्भावना र सहकार्यले समाजमा करुणा, मानवता र सेवाको भावना अझ सुदृढ हुँदै जाने विश्वास गरेको छ।
