काठमाडौँ। मानवसेवा आश्रमका विभिन्न शाखाहरूले पुस महिनाको पहिलो सातामा २९ पुरुष र १४ महिला गरी जम्मा ४३ जनाको उद्धार गरेका छन्। सडकपेटी तथा सार्वजनिक स्थल वा कठिन परिस्थितिमा रहेका बेवारिसे भइ जीवन व्यतित गरिरहेका व्यक्तिहरूकाे आश्रमले उद्धार गरेकाे हाे ।
उद्धार गरिएका आश्रितहरूको स्वास्थ्य स्थिति र पारिवारिक पृष्ठभूमि पत्ता लगाइ १७ जनाको पारिवारिक पुनर्मिलन सफलतापूर्वक सम्पन्न भएको छ। यस क्रममा स्वास्थ्य लाभ गरिरहेका व्यक्तिहरूलाई सुरक्षित रूपमा परिवारकाे जिम्मा लगाइएकाे हाे ।
यस प्रकारको उद्धार र पुनर्मिलन कार्यक्रमले सडकआश्रितहरूको जीवनमा सकारात्मक प्रभाव पार्दै आएको छ भने समाजमा मानवताको महत्त्वलाई पनि उजागर गर्दै आएको छ।
मानवसेवा आश्रमले आफ्ना लागि आफैं केही गर्न नसक्ने, असहाय वा कोही नभएका व्यक्तिहरूको उद्धार, जीवन रक्षा र पुनर्स्थापनाका लागि २०६९ भाद्र १३ गते मकवानपुरको हेटौँडाबाट सेवा शुभारम्भ गरेको हो। आश्रमले सरकारको आंशिक सहयोग र देश–विदेशमा बसोबास गर्ने दाताहरूको निरन्तर सहयोग तथा सद्भावबाट देशभर २९ वटा शाखा विस्तार गरी सहयोगापेक्षी व्यक्तिहरूलाई सेवा प्रदान गर्दै आएको छ।
थप समाचारहरु
एक अर्बको लगानीमा चिस्यान केन्द्र निर्माण गरिँदै
परिणाममुखी काम गर्न गृहमन्त्री लेखकको निर्देशन
समितिले निर्देशन दिए राष्ट्रिय खेलकुद प्रतियोगिताको काम तुरुन्तै अघि बढाइने
सरकारले थप ५ लाख नागरिकलाई जग्गाको लालपूर्जा वितरण गर्ने
झापा इनर्जी लिमिटेडको आईपीओ आजदेखि निष्कासनमा
ओलीसहित ५ जनाको विदेश भ्रमण रोक लगाउन सम्बन्धित निकायमा सिफारिस गर्ने जाँचबुझ आयोगको निर्णय
