काठमाडौँ । सडकपेटीमा बेवारिसे अवस्थामा भेटिएकी ८० वर्षीय मेनुका ढुङ्गेलको मानवसेवा आश्रमले उद्धार गरेको ५० दिनपछि आइतबार पारिवारिक पुनर्मिलन गरेको छ।
उद्धारपछि स्वास्थ्य अवस्था सामान्य रहेकी मेनुका आश्रमका अभियन्तासँग आफ्नो बारेमा स्पष्ट रूपमा कुरा राख्ने अवस्थामा नै थिइन्।
सामाजिक सञ्जालमा भिडियो हेरेपछि दक्षिणकाली नगरपालिका–७ फर्पिङ निवासी उनकी बुहारी पुष्पा ढुङ्गेल आश्रमको सम्पर्कमा आएपछि पारिवारिक पुनर्मिलनको प्रक्रिया अघि बढेको आश्रमले जनाएको छ। आवश्यक प्रारम्भिक प्रक्रिया पूरा गर्दै आश्रमले मेनुकालाई परिवारको जिम्मा लगाएको हो।
पुनर्मिलनको क्षणमा दुवै पक्षका परिवारजन अत्यन्त भावुक र खुसी देखिन्थे। आश्रमले यसअघि पनि घरपरिवारबाट बिछोडिएका थुप्रै व्यक्तिहरूलाई उद्धार गरी सुरक्षित रूपमा परिवारसँग मिलाइरहेको बताइएको छ।
कतिपय मानिसहरू हराएका आमाबुबा वा आफन्त भेटिन्छन् कि भन्ने आशामा आश्रमसम्म पुग्ने तर आफन्त नभेटिएर रित्तै फर्किनुपर्ने अवस्था पनि छ। तथापि, आश्रमले बिछोडिएका सयौँ परिवारलाई पुनर्मिलन गराएर लाखौँको गुन लगाएको अनुभव परिवारजनले व्यक्त गर्दै आएका छन्।
थप समाचारहरु
जम्मू–कश्मीरमा ‘क्लाउड ब्रस्ट’ : मृत्यु हुनेको सङ्ख्या ४५ पुग्यो
मनोहराको सुकुम्बासी बस्तीमा महानगरले चलायो डोजर
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
क्यासिनोले इजाजतपत्र लिएर मात्र विदेशी मुद्राको कारोबार गर्न पाउने
प्रेस युनियनद्वारा प्रदान गरिने सीतादेवी स्मृति पुरस्कारको रकम बढाइयो
२० जीवित बन्धकहरूको सूचीमा विपिनको नाम समावेश नभएको जानकारी
