सडक बनाउन स्थानीयको दश लाख सहयोग

म्याग्दी, ११ मङ्सिरः आफ्ना घरआँगनलाई सडक सञ्जालसँग जोड्न काठमाडौँमा रहेका म्याग्दीको धौलागिरि गाउँपालिका–१ गुर्जावासीले रु १० लाख सहयोग गरेका छन् ।
गुर्जा समाजका अध्यक्ष लीलमाया छन्त्यालका अनुसार देउसीभैलो र सांस्कृतिक कार्यक्रमबाट सङ्कलन भएको रु रु १० लाख धौलागिरि गाउँपालिकला–२ लुलाङदेखि देउराली हुँदै गुर्जाको भैँसीमाने खोल्सासम्म पुगेको सडकलाई विस्तार गरी गुर्जा गाउँसम्म पु¥याउन पालिकालाई प्रदान गरिएको हो । यसअघि गुर्जाको ख्याली नाच समूहले रु एक लाख र हिमाली आमा समूहले रु दुई लाख सहयोग गरेका थिए ।

गुर्जामा सडक पु¥याउन सङ्घ सरकारले रु एक करोड ४० लाख, गाउँपालिकाले रु ३५ लाख, सहरी विकास मन्त्रालयबाट रु तीन करोड र गण्डकी प्रदेश सरकारबाट रु ५० लाख बजेट विनियोजन भएको गुर्जाका वडाध्यक्ष झकबहादुर छन्त्यालले बताए ।

थप समाचारहरु

सरस्वतीको मूर्ति सेलाउने क्रममा डुबेर युवकको मृत्यु मिथिला परिक्रमाका यात्रीहरूले खेले होली (तस्बिरहरू) नगर प्रमुख विरुद्धमा नाराबाजी सहित टायर बालेर प्रदर्शन महोत्तरीमा यात्रुवाहक बस दुर्घटना, एक दर्जन बढी घाइते जापानका राजदूतद्वारा गहवामाईको दर्शन वातावरणीय असन्तुलन सबैका लागि चिन्ताको विषय : मुख्यमन्त्री सिंह