काठमाडौँ, २३ कात्तिकः गैरआवासीय नेपाली सङ्घ एनआरएनए जापानको आयोजनामा ‘एकीकृत नेपाली घरः बहु सांस्कृतिक केन्द्र’ निर्माणका लागि ‘टोकियो सप्ताह महायज्ञ सुरु भएको छ । एनआरएनए जापान र जापानमा रहेका विभिन्न सङ्घसंस्थाको सहकार्यमा शनिबारदेखि टोकियो सप्ताह महायज्ञ सुरु भएको हो ।
टोकियोस्थित शिन्ज्युकुमा सुरु भएको उक्त सप्ताहव्यापी महायज्ञमा कथा वाचन पण्डित दिनबन्धु पोखरेल र बौद्धगुरु टुल्कु सोनाम गर्वाङ रिम्पोछेले गरेका छन् ।
एनआरएनए जापानका अध्यक्ष सुभास लामिछानेले जापानमा रहेका नेपालीबीचको एकता, भाइचारा र नयाँ पुस्ताबीचको पारस्परिक सम्बन्धलाई मजबुत बनाउँदै आध्यात्मिक चिन्तनको उजागर गर्न÷गराउन महायज्ञ आयोजना गरिएको जानकारी दिए । उनले एकीकृत नेपाली घर निर्माणका लागि स्रोत जुटाउने महायज्ञको लक्ष्य भए पनि नेपालीबीच मेलमिलाप, शान्ति र सकारात्मक भाव जगाउँदै पूण्यकर्ममा सरिक गराउने उद्देश्य रहेको बताए।
एनआरएनए जापानका पूर्वअध्यक्ष नवीन निउरेले जापानमा एकीकृत नेपाली घरः बहु सांस्कृतिक केन्द्र निर्माणका लागि टोकियोको चिवा केनमा जमिन खरिद भइसकेकाले उक्त जग्गामा भवन निर्माण गर्न महायज्ञमार्फत रकम सङ्कलन गर्ने उद्देश्यसहित महायज्ञ आयोजना गरिएको बताए।
महायज्ञले नेपाली कला, संस्कृतिलाई जापानमा प्रवर्द्धन गर्न र नयाँ युवा पुस्तालाई पूर्वीय दर्शन पुस्तान्तरण गर्न एक महत्त्वपूर्ण कदम हुने विश्वास आयोजकले लिएको छ ।
शान्तिका लागि कलशयात्रा बाट सुरु भएको सप्ताहव्यापी ज्ञान महायज्ञमा हरेक दिन पूजापाठ, प्रवचन, भजनकीर्तन र प्रसाद ग्रहण, वितरण गरिने कार्यक्रम रहेको छ । महायज्ञलाई व्यवस्थित, मर्यादित र अनुशासित ढङ्गले परिणाममुखी बनाउन विभिन्न उपसमितिसमेत निर्माण गरिएको एनआरएनए जापानले जनाएको छ ।
थप समाचारहरु
सुरक्षित कारोबार विधेयकमा रहेको ‘सामान्य’ शब्द हटाउन माग
‘अहिले हाम्रो सरदर आयु ७२ वर्ष किन पुगेको छ हामीले बालमृत्यु दर घटाइदियौँ
राष्ट्रपति पौडेलसँग राष्ट्रिय फोटो पत्रकार समूहको भेट
यस्तो छ, आजको विदेशी मुद्राको विनिमयदर
खाद्य सुरक्षाका लागि मलखादमा ६६ प्रतिशतसम्म अनुदान : मन्त्री अधिकारी
एमाले सचिवालय बैठक शनिबार बस्ने
