काठमाडौं । ऊर्जा, जलस्रोत तथा सिँचाइमन्त्री कुलमान घिसिङले दिगो रुपमा काठमाडौंलाई सुन्दर बनाउनको लागि योजना बनाउने तयारीमा रहेको बताएका छन् ।
शनिबार बागमती सफाई महाअभियानको ६५० हप्ता सफाईको अवसरमा आयोजित कार्यक्रममा उनले चारपाँच महिनाको सरकारले सबै गर्न नसक्ने भन्दै दिगो रुपमा नै काठमाडौंलाई सुन्दर बनाउनको लागि छलफल गरेर कार्ययोजना बनाउन लागेको बताए ।
उनले भने, ‘काठमाडौं भित्रका सबै नदी नाला सरसफाईमा धेरै ठूलो लगानीको आवश्यकता भएको हुनाले स्थानीय, प्रदेश र केन्द्र सरकार सबै मिलेर यो काम गर्नुपर्छ । हामीले काठमाडौंलाई सुन्दर शहर बनाउनको लागि एउटा दिगो योजना के गर्ने त्यो हेर्नुपर्छ । अहिले हामी चारपाँच महिनाको सरकारले सबै गर्छु भनेर सकिदैँन् । तर दिगो रुपमा नै काठमाडौंलाई सुन्दर बनाउनको लागि के के गर्न सकिन्छ त्यसको योजना के हुन्छ भनेर छलफल गरेका छौ । त्यो योजना पूरा गर्न एउटा कार्ययोजना बनाउन लागेका छौं ।’
यस्तै, उनले नदीनालालाई सफा गर्नका लागि भएको जागरण अभियान नदीनालाको लागि मात्र होइन फोहोर व्यवस्थापनको लागि नै हुनुपर्ने बताए ।
काठमाडौंमा रहेका नदीनालाहरु सफा भयो भने मात्र काठमाडौं सुन्दर र सफा हुने पनि उनको भनाई छ ।
उनले भने, ‘काठमाडौंमा रहेका नदी नालाहरु जब सफा हुन्छ र हामीले त्यहा गएर बस्ने वातावरण हुन्छ तब मात्र काठमाडौं सुन्दर र सफा हुन्छ भन्ने मेरो मान्यता छ । नदीनाला फोहोरको स्रोत भनेको काठमाडौंको घर सडक सबै हो र यो सफा हुनु भनेको सबै सफा हुनु हो ।’
थप समाचारहरु
संसद्मा सम्बोधन गर्दै प्रधानमन्त्री
‘घरेलु बालश्रम रोक्न स्थानीय सरकार जिम्मेवार’
नकरात्मक गुणहरूलाई नियन्त्रण गरेर मानवलाई देवताजस्तै बनाउन सकिन्छ : बुद्धि तामाङ अध्येता
सूर्यविनायक(धुलिखेल खण्ड शीघ्र निर्माण सम्पन्न गर्न माग
अत्यावश्वक सेवा रोकिँदैनः मुख्यमन्त्री आचार्य
राष्ट्रिय एकतासहितको समृद्ध र उन्नत राष्ट्र निर्माणमा लागौँ : अध्यक्ष दाहाल
