काठमाडौं । जनता समाजवादी पार्टी (जसपा) नेपालका प्रचार विभाग प्रमुख पूर्ण बस्नेतले सभामुख देवराज घिमिरेले राजनीतिक ‘कू’ गर्न खोजेको आरोप लगाएका छन् ।
बुधबार सभामुख घिमिरेले दलका प्रतिनिधिहरुसँग संसद पुनस्र्थापनाबारे गरेको छलफलबारे धारणा राख्दै उनले उक्त कुरा बताएका हुन् ।
बस्नेतले भने, ‘प्रतिनिधिसभा विघटन र वर्तमान सरकारको गठन जेनजी आन्दोलनका उपज हुन् । प्रत्यक्ष निर्वाचित कार्यकारी प्रमुखको निर्वाचन र भ्रष्टाचारीमाथि कारबाहीे आन्दोलनले दिएको म्याण्डेट हो । विघटीत संसद पुनस्र्थापनाको बहस औचित्यहिन हो । सभामुखले राजनीतिक षड्यन्त्र गर्न खोजेको देखियो ।’
जेनजी आन्दोलनको मर्मलाई आत्मसाथ गर्दै दलहरुलाई विश्वासमा लिएर मुलुकलाई निर्वाचनमा होम्नका लागि सरकारले उपयुक्त वातावरण बनाउनुपर्नेमा बस्नेतले जोड दिए ।
निर्वाचनलाई स्वस्थ, निष्पक्ष, भयरहित वातावरणमा सम्पन्न गर्न सरकारले कुनै कसर बाँकी राख्न नहुने उनको भनाइ छ ।
आयोगले सार्वजनिक गरेको निर्वाचन कार्यतालिकाअनुसार निर्वाचन कार्य सम्पन्न हुनुपर्ने उनको भनाइ छ । निर्वाचन आयोगले आज सबै राजनीतिक दलहरुसँग आगामी फागुन २१ मा हुने प्रतिनिसभा सदस्यको निर्वाचनबारे छलफल गर्दैछ ।
थप समाचारहरु
बहुविवाहलाई कानुनी मान्यता दिने प्रयास अस्वीकार्य : श्रेष्ठ
नयाँ बन्ने सरकारले तत्काल कानुन बनाएर शक्तिशाली आयोग बनाउनुपर्छ : गगन थापा
संविधानमाथि आक्रमण भइरहेको छ : अध्यक्ष ओली
यातायात र सडक व्यवस्थापनका लागि टोली बनाएर खट्छौं : कुलमान घिसिङ
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
ओलीको स्वास्थ्यमा समस्या देखिएपछि बैठक स्थगित
