काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख दिनेश भट्ट र संयुक्त राष्ट्रसंघीय आवासीय संयोजक हाना सिंगर हाम्डीबीच पछिल्लो मनसुनी विपद्पश्चातको राहत तथा सुरुवाती पुनस्र्थापनाबारे छलफल भएको छ ।
कार्यकारी प्रमुख ई.दिनेश प्रसाद भट्ट र संयुक्त राष्ट्रसंघीय आवासीय संयोजक हाना सिंगर हाम्डीबीच भेटवार्ता भएको हो ।
शुक्रबार राष्ट्रिय विपद् जोखिम न्यूनीकरण तथा व्यवस्थापन प्राधिकरणको कार्यालयमा भएको उक्त भेटवार्तामा कार्यकारी प्रमुख भट्टले पछिल्लो मनसुनी विपद्बाट खासगरी इलाममा भएको जनधनको क्षतिबारे जानकारी गराउँदै हाल भइरहेको राहत तथा सुरुवात पुनस्र्थापनाका पहलहरुबारे जानकारी गराए ।
त्यसक्रममा, कार्यकारी प्रमुख भट्टले भारीदेखि अति भारी वर्षाको प्रक्षेपण प्राप्त भएपश्चात जनधनको क्षति कम गर्न भएका पूर्वसूचना, पूर्वकार्य र प्रतिकार्य पहलहरुबारे पनि उल्लेख गरेका थिए ।
भट्टले बाढी प्रभावित क्षेत्रहरुमा भइरहेको काम र थप मद्दतका विषयमा भेटवार्ता भएको जानकारी दिए ।
यस्तै, उनले प्रभावित क्षेत्रमा युएनलगायत युएन एजेन्सीहरु, डब्लूएचओ, यूनिसेफ, डब्लूएफपि सबैले काम गरिरहेको पनि जानकारी दिए ।
इलाममा अझै पनि मद्दतको खाँचो रहेको कुरा राखेपछि हाम्डीले इलाममा मद्दत थप गर्ने प्रतिबद्धता व्यक्त गरेको पनि उनको भनाई छ ।
यस्तैगरि, राष्ट्रसंघीय आवासीय संयोजक हाम्डीले सबैभन्दा धेरै प्रभावित भएको इलाममा खाद्य एवं गैरखाद्य राहत, खानेपानी तथा सरसफाइ सम्बन्धी सहयोग र सुरुवाती पुनस्र्थापनाका लागि संयुक्त राष्ट्रसंघीय निकायहरुले तत्काल उपलब्ध गराउनसक्ने सहयोगबारे जानकारी गराएका थिइन् ।
थप समाचारहरु
संसद्मा सम्बोधन गर्दै प्रधानमन्त्री
‘घरेलु बालश्रम रोक्न स्थानीय सरकार जिम्मेवार’
नकरात्मक गुणहरूलाई नियन्त्रण गरेर मानवलाई देवताजस्तै बनाउन सकिन्छ : बुद्धि तामाङ अध्येता
सूर्यविनायक(धुलिखेल खण्ड शीघ्र निर्माण सम्पन्न गर्न माग
अत्यावश्वक सेवा रोकिँदैनः मुख्यमन्त्री आचार्य
आज विश्व मुटुरोग दिवस मनाइँदै
