काठमाडौं । पृथ्वी राजमार्ग अन्तर्गत नौबिसे–मुग्लिन सडकखण्डमा खसेका सबै पहिरो पन्छाइएको जिल्ला प्रहरी कार्यालय धादिङले जनाएको छ। तर, राति खसेका पहिरोका कारण सडकमै थुनिएका सवारी साधनहरूको अत्यधिक चाप हुँदा लामो लाइन लागेको छ।
गएराति जवाङखोला लगायतका स्थानमा पहिरो खसेपछि राजधानी काठमाडौंसँगको प्रमुख यातायात मार्ग ठप्प भएको थियो। डोजर परिचालन गरी राति नै पहिरो हटाइए पनि सवारी साधनको जाम कम हुन सकेको छैन।
यता मुग्लिन–नारायणगढ सडकखण्डको तुइन खोलानजिक झरेको पहिरो भने अझै हटाउन बाँकी छ। बुधबार साँझ परेको वर्षाका कारण पहिरो पन्छाउने काम केही समय रोकिएको भए पनि बिहीबार बिहानैदेखि पुनः सुरु भएको सडक डिभिजन कार्यालय भरतपुरले जनाएको छ।
कार्यालयका अनुसार मुग्लिन–नारायणगढ खण्डमा खसेका सबै पहिरो पूर्ण रूपमा हटाएर बाटो सहज बनाउन कम्तीमा दुई दिन लाग्ने अनुमान गरिएको छ।
थप समाचारहरु
हवाई सेवा र नागरिक उड्डयन प्राधिकरण सम्बन्धी दुवै विधेयकको संयुक्त छलफल प्रभावकारी हुन्छ : मन्त्री पाण्डे
दलका जेनजीहरु भन्छन् : मागहरु जायज छन् तर नेतृत्व र प्रक्रियामा खुशी छैनौं
मन्त्री आवासको प्रारम्भिक क्षति विवरण सङ्कलन सुरु
सरकारसँग मागहरु तयार गर्दै जेनजी पुस्ता : १३ बुँदे मस्यौदा तयार
जेनजी आन्दोलनपछि कुन–कुन गीतहरुले पाए महत्वपूर्ण स्थान ?
पुनःनिर्माणमा जुटे युवा
