काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक मंगलबार बस्ने भएको छ । बैठक मंगलबार बिहान ८ बजे पार्टीको केन्द्रीय कार्यालय, वनस्थलीमा बस्ने भएको हो ।
पार्टीले जारी गरेको सूचनामा बैठकमा समसामयिक राजनीतिक अवस्था, पार्टी संगठन तथा आगामी रणनीतिबारे गम्भीर छलफल हुने उल्लेख छ । बैठकको एजेन्डामा सात मुख्य विषयवस्तु समेटिएका छन् ।
पार्टीका अनुसार बैठकमा समसामयिक अवस्था र बैठकको औचित्यबारे प्रारम्भिक छलफलपछि, हालै सम्पन्न प्रदेश स्तरीय बैठकहरूबाट प्राप्त विवरण सभापतिहरूको तर्फबाट प्रस्तुत गरिनेछ । त्यसपछि परिवर्तित राजनीतिक परिवेशमा केन्द्रीय सदस्यहरूको धारणा प्रस्तुत गरिने बताइएको छ ।
त्यसैगरी, पार्टी संगठन र विभागीय संरचनासम्बन्धी विषयमा पनि चर्चा हुनेछ भने आसन्न प्रतिनिधि सभा सदस्य निर्वाचनका लागि पार्टीले अपनाउने रणनीति तय गर्ने तयारी गरिएको छ ।
बैठकमा पार्टीको ऐतिहासिक महाधिवेशनसम्बन्धी तयारीबारे समेत विस्तृत छलफल हुने र विविध विषयहरूमा आवश्यक निर्णय लिने कार्यक्रम रहेको पार्टीले जनाएको छ ।
थप समाचारहरु
श्रमिकको सम्मान बिना समृद्धि सम्भव छैन : प्रधानमन्त्री
तीन वटा संसदीय समितिको बैठक बस्दै,यस्तो छ कार्यसूची
संविधानमाथि आक्रमण भइरहेको छ : अध्यक्ष ओली
ऊर्जामन्त्री कुलमान घिसिङ विद्युत् भार प्रेषण केन्द्रको अनुगमनमा
हुलाकको आवश्यकता र सार्थकता मरेको छैन् : मन्त्री खरेल
ट्रायल सेन्टर छनौट सम्बन्धी टेण्डर प्रक्रिया रद्द गर्न ड्राइभिङ्ग स्कूल संघको माग
