आन्दोलनका कारण गण्डकी सरकारको योजनामा धक्का लाग्यो’

पोखरा । गण्डकी प्रदेशका मुख्यमन्त्री सुरेन्द्रराज पाण्डेले आन्दोलनका क्रममा निजी क्षेत्रमाथि भएको आक्रमणले गण्डकी प्रदेश सरकारको दिर्घकालीन योजनामा असर पुर्याएको बताएका छन् ।

शुक्रबार संविधान दिवस तथा राष्ट्रिय दिवस २०८२ को मूल समारोहमा बोल्दै उनले आन्दोलनले आन्तरिक तथा बाह्य पर्यटकसँगै लगानी भित्र्याउने गण्डकी प्रदेश सरकारको माथि असर परेको बताएका हुन् ।

उनले तत्काल प्रवाह हुने सेवालाई सहज र नियमित गर्न प्रदेश सरकारले काम सुरु गरिसकेको जानकारी समेत गराए ।

उनले भने, ‘पोखरालाई नेपालको पर्यटन राजधानी घोषणा गरेको आन्तरिक तथा बाह्य पर्यटकसँगै लगानी भित्र्याउने गण्डकी प्रदेश सरकारको दिर्घकालीन योजनामा आन्दोलनका नाममा निजी क्षेत्रमाथि भएको आक्रमणले वातावरण धमिलाएको छ ।’

उनल थप भने, ‘पछिल्लो घटनाक्रम र त्यसबाट उत्पन्न परिस्थितीपछि प्रदेश सरकारका मातहतका मन्त्रालय निकाय र कार्यालयहरु मार्फत तत्काल प्रवाह हुने सेवालाई सहज र नियमित गर्न प्रदेश सरकारले काम थालिसकेको छ । पुर्न निर्माणका लागि संघ सरकारले नीति अनुसार समन्वय गर्दै हामी अगाडी बढ्नेछौं ।’

हजारौं रोजगारी सिर्जना गरेका र देशको अर्थतन्त्रमा महत्वपूर्ण योगदान पुर्याएका करदाता व्यवसायीहरु माथिको आक्रमणको छानविन गरी दोषिलाई कानुनी दायराभित्र ल्याउनु जरुरी रहेको पनि उनले बताए ।

सोही कार्यक्रममा बोल्दै गण्डकी प्रदेशका सभामुख कृष्णप्रसाद धितालले समयको गतिशिलतालाई बुझी संविधान संशोधन गर्नुपर्ने बताए ।

‘यो संविधान गतिशील बनाउन सकेनौं । संविधान त बनायौ तर संविधानले माग गरे अनुसार समय त बडो गतिशिल हुने रहेछ । अझ युवा नेतृत्वको स्पष्ट बुझ्दा रहेछन्, राष्ट्रिय अन्तर्राष्ट्रिय प्रभाव पनि परेको गतिशिलताको विज्ञानलाई बुझेर हामीले संविधानलाई बुझेर संशोधन गर्ने बिषयमा ध्यान पुगेन नि भन्ने अनुभुति छ,’ उनले भने ।

थप समाचारहरु

पर्वतको लाङ्दी पहिरोः पुरिएका दम्पतीमध्ये श्रीमान् मृत फेला, श्रीमतीको खोजी जारी निसीखोलामा अझै जीवितै छ ‘थाम राम’ संस्कृति मनाङमा ३७ हजार विदेशी पर्यटकको आगमन पोखराका अधिकांश कार्यालयमा तोडफोड तथा आगजनी विराटनगरसहित मोरङमा कफ्र्यू आदेश जारी मुलुकलाई पार लगाउन संयम, संवाद र एकताको बाटो नै एकमात्र विकल्प : मुख्यमन्त्री पाण्डे