कारागारको पत्रपछि रवि लामिछानेको भनाइ : पद होइन, जनताको भरोसा चाहिन्छ

काठमाडौं । राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेले आफू कुनै पनि राजनीतिक पदप्रति लोभ, आशा वा दौडधुप नरहेको स्पष्ट पारेका छन्। सामाजिक सञ्जालमार्फत भिडियो संदेश जारी गर्दै उनले नागरिकलाई सम्बोधन गरेका हुन्।

लामिछानेले भनेका छन् – “मलाई अहिले कुनै राजनीतिक पद चाहिएको छैन, म कुनै पदका लागि लडिरहेको पनि छैन।”

उनले हालै कारागार प्रशासनले शशकुन्तलाको सहयोगमा रिहाइ गर्ने निर्णय गरेको पत्र प्राप्त भएको भन्दै यो केवल कानुनी प्रक्रियाको हिस्सा भएको बताएका छन्। साथै, कानुनलाई कमजोर नबनाई सही प्रक्रियाबाट अघि बढाउन आफू सधैं तयार रहेको उल्लेख गरेका छन्।

लामिछानेले थपे – “नागरिकको भरोसाको कारण म यहाँसम्म आएको हुँ, त्यसैले कुनैपनि स्वार्थका लागि होइन, जनताको चाहनाअनुसार अघि बढ्न तयार छु।”

उनले नागरिकलाई संयम र धैर्य अपनाउन आग्रह गर्दै भने – “अवकी नागरिक सरकार जेन्जीको चाहना बमोजिम हुनु पर्छ, कानुनी प्रक्रिया नै हाम्रो सबैभन्दा ठूलो आधार हो।”

रवि लामिछानेको यो अपिललाई सामाजिक सञ्जालमा व्यापक प्रतिक्रिया आएको छ। धेरैले उनको अभिव्यक्तिलाई सकारात्मक रूपमा लिएका छन् भने कतिपयले सरकार र कानुनप्रति प्रश्न उठाएका छन्।

थप समाचारहरु

मदन भण्डारीको जन्मजयन्ती मनाइने, संयोजकमा डोरमणि पौडेल भगवती न्यौपाने संघीय मामिला तथा सामान्य प्रशासन मन्त्रीमा नियुक्त चारवटा संसदीय समितिको बैठक बस्दै, यस्ता छन् कार्यसूची विकासशील राष्ट्रहरूको साझा अनुभव नै कृषिको विकासका लागि ठूलो स्रोत हुन सक्छ : कृषिमन्त्री अधिकारी नेपालको श्रीलंकाविरुद्ध सानदार जित पूर्ण स्थापित : जो लिच्छवीकालिन सप्तपाताल पोखरी जोगाउन अनवरत लडे