काठमाडौं । नेकपा माओवादीका सांसद शक्ति बस्नेतले विगत केही दिनदेखि सडकमा रहेका उखु किसानहरुको आवाज र मागप्रति सरकार गम्भीर नदेखिएको बताएका छन् ।
शुक्रबार प्रतिनिधि सभाको बैठकमा बोल्दै उनले सरकारको जनविरोधी रवैया विरुद्ध उखु किसानहरु विगत केही दिनदेखि वर्षा र तीज जस्ता पर्वहरुको चिन्ता नगरी सडकमा धर्ना गरिरहेपनि सरकार उनीहरुको आवाज र मागप्रति गम्भीर नदेखिएको बताए ।
साथै, उखु किसानले पाउँदै आएकोप्रति क्विन्टल ७० को अनुदान रकम घटाएर ३५ मात्र दिने सरकारले अर्को किसान विरोधी निर्णय गरेको पनि उनको भनाई छ ।
उनले भने, ‘गत वर्ष उखु किसानले पाउनु पर्ने भुक्तानी करिब १ अर्ब ५० करोडभन्दा बढि अनुदान रकम आजसम्म सरकारले भुक्तानी गरेको छैन् । अझै किसानले पाउँदै आएकोप्रति क्विन्टल ७० को अनुदान रकम घटाएर ३५ मात्र दिने सरकारले अर्को किसान विरोधी निर्णय गरेको छ । सरकारको जनविरोधी रवैया विरुद्ध किसानहरु विगत केही दिनदेखि वर्षा र तीज जस्ता पर्वहरुको चिन्ता नगरि सडकमा धर्ना गरिरहेका छन् । तर सरकार उनीहरुको आवाज र मागप्रति गम्भीर देखिएको छैन् ।’
यस्तै, उनले उखु किसानले पाउनुपर्ने गत वर्षको भुक्तानी रकम दिन र प्रति क्विन्टल अनुदान रकम ७० नै कायम राख्न पनि माग गरेका छन् ।
थप समाचारहरु
प्रदेश र स्थानीय तहले संघसँगको वित्तीय निर्भरता घटाउनुपर्छ : प्रधामनन्त्री प्रचण्ड
पूर्वप्रधानमन्त्री हसिनाको कूटनीतिक राहदानी खारेज
‘केन्द्रीय तथ्यांक कार्यालयको सर्वेलाई आधारशिला बनाएर राष्ट्र बैंक अगाडि बढ्छ’
राष्ट्रिय वाणिज्य बैंकलाई अग्रणी बनाउने जोडमा अर्थमन्त्री पौडेलले
कति सिकियो त भूकम्पले सिकाएको पाठ
‘सबै क्षेत्र र भूगोललाई समेट्ने गरी बजेट निर्माणमा लागौँ’
