काठमाडौँ, ८ भदौः वैदिक वाङ्मयको अध्ययन अनुसन्धानमा काम गरिरहेको संस्था वैदिक अनुसन्धान गुठी वाग्लाई यस वर्षको सुब्बा पूर्णलाल–आनन्दकुमारी स्मृति पुरस्कार प्रदान गरिएको छ ।
सत्सङ्ग परिवार जाउलाखेलमा शनिबार आयोजित कार्यक्रममा गुठीका अध्यक्ष स्वामी केशवानन्द गिरीलाई उक्त पुरस्कार प्रदान गरिएको हो । गुठीले वैदिक वाङ्मयलाई प्रविधिसँग जोड्न गरेको कार्यका लागि यो पुरस्कार दिइएको हो । गुठीका तर्फबाट युवा स्वामी अध्यक्ष डा केशवानन्द गिरीले पुरस्कार ग्रहण गरेका थिए । पुरस्कारको राशि नगद रु दुई लाख र सम्मानपत्र रहेको छ ।
रामलाल श्रेष्ठले आफ्ना माता, पिताको सम्मानमा यो पुरस्कार स्थापना गर्नुभएको कार्यक्रममा जानकारी गराइएको थियो । कार्यक्रममा युवा सन्त डा केशवानन्द स्वामी, सत्सङ्ग परिवारका अध्यक्ष दीपक रिमाल, वेदान्तविद् रामप्रसाद भण्डारी लगायतले वैदिक वाङ्मयको रक्षाका लागि काम गरेको गुठीलाई पुरस्कार दिनु सुखद् विषय भएको बताए ।
थप समाचारहरु
सिन्धुपाल्चोक केन्द्रविन्दु भएर ६.१ रेक्टर स्केलको भूकम्प
सभापति देउवाद्वारा ग्याल्पो ल्होसारको शुभकामना सन्देश
राष्ट्रियसभाबाट पाँचवटै प्रतिस्थापन विधेयक बहुमतले पारित
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड
प्रतिनिधिसभा बैठक बस्दै, नीति, कार्यक्रममाथि छलफल जारी रहने
