काठमाडौँ, ३० साउनः नेपालस्थित थाई राजदूतावासले नयाँ दिल्लीस्थित थाई ट्रेड सेन्टरको सहकार्यमा काठमाडौँमा जर्नी टु थाइल्याण्ड एण्ड टप थाई ब्राण्ड्स २०२५’ कार्यक्रम आयोजना गर्ने भएको छ ।
उक्त कार्यक्रम आगामी भदौ १३ देखि १५ गतेसम्म ललितपुरको द प्लाजामा आयोजना हुने र कार्यक्रमको उद्घाटन भदौ १३ गते गरिने नेपालका लागि थाई राजदूत सुवापोङ सिरिसोर्नले बताए ।
दूतावासद्वारा आज यहाँ आयोजित पत्रकार सम्मेलनमा उनले कार्यक्रम सर्वसाधारणका लागि निःशुल्क प्रवेशसहित खुला हुने जानकारी दिए । कार्यक्रममा विभिन्न थाई सांस्कृतिक कार्यक्रम, थाई खाना, थाई उत्पादन, थाई मसाज, र निःशुल्क हस्तकला कार्यशाला आयोजना गरिने बताइएको छ । सहभागीहरूले प्रसिद्ध थाई व्यवसाय, अस्पताल र विश्वविद्यालयका प्रतिनिधिसँग भेट्ने अवसर पनि उपलब्ध हुने राजदूत सिरिसोर्नले बताए ।
साथै, थाइल्याण्डको राउण्ड–ट्रिप हवाई टिकटलगायत अन्य रोचक उपहारका लागि प्रबन्ध पनि रहेको छ । यो ‘जर्नी टु थाइल्याण्ड एण्ड टप थाई ब्राण्ड्स २०२५ कार्यक्रमले थाइल्याण्ड र नेपालको सम्बन्धलाई अझ नजिक ल्याउने र दुई देशका जनताबीचको मित्रता सुदृढ पार्ने लक्ष्य राखेको छ ।
थप समाचारहरु
सोमबारको विदेशी मुद्राको विनिमय दर कति ?
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
‘एयर इन्डियाको विमान दुर्घटनाले नागरिक उड्डयन क्षेत्रमा सन्नाटा’
इजरायल द्वारा इरानको सरकारी टेलिभिजनमा आक्रमण
कश्मीरमा भारतीय सुरक्षा बल र आतंककारीबीच मुठभेड
अफगानिस्तान भुकम्पः पाँचसय भन्दा धेरैको मृत्यु, एकहजार व्यक्ति घाइते
