काठमाडौं । गृहमन्त्री रमेश लेखकले वंशज नागरिकता आमाको नामबाट पनि लिन सकिन्छ भन्ने कुरा विस्तारै बुझ्न थालेको बताएका छन् ।
विधायन व्यवस्थापन समितिमा भएको नेपाल नागरिकता (दोस्रो संशोधन) विधेयक, २०८१ माथिको दफावार छलफलमा उनले वंशजको आधारमा नागरिकता पाउने सिद्धान्त भनेपछि बाबाको सिद्धान्त भन्ने हिसाबको भाव आएको भन्दै अहिले विस्तारै वंश भनेको आमा पनि हो भन्ने अवस्थामा पुगेको बताए ।
उनले भने, ‘बुबा जहाँको भएपनि जुनसुकै वर्ग, देश जोस जुन माटोमा जन्मियो त्यसको नागरिकता पाउँछ । हाम्रो नेपालको सिद्धान्त भनेको वंशजको सिद्धान्त हो । वंशजको सिद्धान्त भनेपछि बाबाको सिद्धान्त भन्ने हिसाबको भाव आएको हुनाले अब आमाको के हुन्छ त, वंश बुबाले स्थापित गर्ने हो भने आमाको के हुन्छ भन्ने बहसहरु भईरहेको बेला अहिले विस्तारै वंश भनेको आमा पनि हो भन्ने अवस्थामा पुगेका छौ ।’
यस्तै, उनले ब्रिटिस गोर्खाको विषयमा ब्रिटिसको न्याचुरलाइजेशन नागरिकता पाइसकेको मान्छेले नेपालमा दोहोरो नागरिकता नपाउने भन्दै जसले त्यो लिएको छैन् त्यो नेपाली नागरिक नै भएको कुरामा स्पष्ट हुनुपर्ने बताए ।
उनले भने, ‘अर्को ब्रिटिस गुर्खाको कुरामा जुन मान्छेले ब्रिटिसको न्याचुरलाइजेशन नागरिकता पाइसक्यो, त्यो मान्छे युकेको नागरिक हो । उसको दोहोरो नागरिकता नेपालमा हुदैँन् । जसले त्यो लिएको छैन् त्यो नेपाली नागरिक नै हो, भन्ने कुरामा स्पष्ट हुनुपर्छ ।’
थप समाचारहरु
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
जनयुद्धको प्रेरणा सयौं वर्षसम्म रहने छ : अध्यक्ष प्रचण्ड
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने
संख्याको बलमा षडयन्त्रपूर्ण तरिकाले सरकारबाट बाहिरिनुपर्यो : प्रचण्ड
