काठमाडौं । ब्युटिसियन सुष्मा महराको तीज गीत ‘तीज आयो’ सार्वजनिक भएको छ ।
बुधबार काठमाडौंको सिटी सेन्टरमा आयोजित एक कार्यक्रमकाबीच उक्त गीत ‘तीज आयो’ सार्वजनिक गरिएको हो ।
गीत सार्वजनिक पछि नेपाल न्यूज बैंकसँगको कुराकानीमा महराले गीत मार्फत उनले आफ्नो जीवन्त झल्काउने कोशिस गरेको बताईन् । उनले आफ्नै जीवनीमा आधारित भएर गीत लेख्दा बिगतका दिनहरुको याद आई परेलीमा आँसु भरिएको स्मरण गरिन् ।
उनले भनिन्,‘अहिलेको यो प्रस्तुतीमा मैले आफ्नो जीवन्त झल्काएको छु । हजुरहरुले भिडियोमा हेर्नुभयो भने स्पष्ट बुझ्न सक्नुहुने छ । सबैजना मिलेर हेर्नुहोस् । मैले पस्केको गीतमा केही त्रुटी या कमजोरी भए औल्याइदिनुहोला त्यसले मलाई भोलीको दिनमा सुधार्न मद्दत पुग्ने छ । आफ्नै जीवनीमा आधारित भएर गीत लेख्दा ती बिगतका दिनहरु याद आउने रहेछन् । यी दुईटा परेलीमा आँसु भरिँदो रहेछ ।’
सुष्माको आफ्नै शब्द,पुरुषोत्तम न्यौपानेको संगीत,रचना रिमाल र एलिना चौहानको स्वरमा तयार भएको गीतमा सुकुमाया मगर(पियारी) र सुष्मा स्वयम्ले पनि नृत्य गरेकी छिन् । गीतको एरेन्ज केशव बडुले गरेका हुन् ।
फेसियल हाउसको प्रस्तुतिमा तयार भएको गीतको भिडियोको निर्देशन शक्ति प्रज्वल घिमिरेले गरेको छन् भने चक्र बहादुर बरालले छायांकन गरेका हुन् ।
थप समाचारहरु
इ–नेवल नेपालद्वारा अमेरिकन प्रविधिबाट निर्मित कृतिम हात निःशुल्क वितरण
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
नेपाल र भारतबीच अन्तरदेशीय प्रसारण लाइन निर्माणको ‘मोडालिटी’मा सहमति
सीमा क्षेत्रमा कडाइ गर्न पोल्ट्री व्यवसायीद्वारा गृहमन्त्रीलाई ज्ञापनपत्र
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
मन्त्री पाण्डेले गरे पशुपतिनाथको अनुगमन, दर्शनलाई व्यवस्थित बनाउन निर्देशन
