मकवानपुर । बागमती प्रदेशका मुख्यमन्त्री इन्द्रबहादुर बानियाँले साउन २७ गते प्रदेश सभाबाट विश्वासको मत लिने भएका छन् । एमाले–कांग्रेस गठबन्धनको नेतृत्व गरिरहेका मुख्यमन्त्री बानियाँले भदौ १८ गतेभित्र विश्वासको मत लिनुपर्ने संवैधानिक बाध्यता रहेकाले उक्त मितिमा संसद बैठक बोलाउन प्रदेशसभा सचिवालयलाई जानकारी गराएका हुन् ।
साउन २० गते मुख्यमन्त्री नियुक्त भएका बानियाँले नेपालको संविधानको धारा १६८ को उपधारा ९४० तथा प्रदेश सभा नियमावली, २०७४ को नियम १४३ को उपनियम ९१० अनुसार ३० दिनभित्र विश्वासको मत लिनुपर्ने व्यवस्था रहेको छ । उनले गत साउन २० मा संविधानको धारा १६८ को उपधारा ९२० बमोजिमको सरकारको नेतृत्व ग्रहण गरेका थिए ।
सभामुख भुवनकुमार पाठकका अनुसार छलफलपछि मिति तोकिएको भए पनि औपचारिक पत्र प्राप्त हुने क्रममा छ, र सोहीअनुसार बैठकको समय निर्धारण गरिनेछ । कांग्रेस बागमती प्रदेश सभापति समेत रहेका बानियाँ साउन २० मा कांग्रेसका ३७ र एमालेका २७ गरी ६४ सांसदको समर्थनमा मुख्यमन्त्री बनेका थिए ।
उनले आफ्नै दलका तत्कालीन नेता बहादुरसिंह लामाविरुद्ध अविश्वास प्रस्ताव पारित गराउँदै दल नेता बनेका थिए । त्यसपछि लामालाई राजीनामा दिन बाध्य पार्दै मुख्यमन्त्रीको जिम्मेवारी सम्हालेका उनले साउन १२ मा कांग्रेसका २ र एमालेका ६ मन्त्रीसहित एक विना विभागीय मन्त्री नियुक्त गरेका थिए ।
थप समाचारहरु
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
जनयुद्धको प्रेरणा सयौं वर्षसम्म रहने छ : अध्यक्ष प्रचण्ड
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने
संख्याको बलमा षडयन्त्रपूर्ण तरिकाले सरकारबाट बाहिरिनुपर्यो : प्रचण्ड
