रातो कागज
हेनान चीन, ९ साउनः साङ्घाई सहयोग सङ्गठन साङ्घाई कोअपरेसन अर्गनाइजेसन–एससीओ का सदस्य राष्ट्रका प्रमुखहरूको २५औँ बैठकको पूर्वसन्ध्यामा चीनको हेनान प्रान्तको झेङ्झाउ सहरमा मिडिया तथा थिङ्क ट्याङ्क सम्मेलन सुरु भएको छ ।
यही साउन ७ देखि ११ गतेसम्म चल्ने यो सम्मेलनमा विभिन्न मुलुकका ४०० भन्दाबढी बौद्धिक व्यक्तित्व तथा सञ्चार प्रतिनिधिहरू सहभागी छन् ।
आयोजक पक्षका अनुसार सम्मेलनमा रणनीतिक समन्वय तथा क्षेत्रीय सुरक्षालाई मजबुत बनाउने, विश्वव्यापी चुनौतीको समाधान खोज्ने, साझा समृद्धिका पक्षमा सहयोग र सहकार्य गर्ने, आपसी सम्बन्ध विस्तार गर्ने तथा आआफ्ना क्षेत्रमा हासिल गरेका अनुभव आदानप्रदान गर्ने विषयमा छलफल तथा विचारविमर्श हुनेछ ।
यसैगरी, सामाजिक तथा सांस्कृतिक सभ्यताबीचको ज्ञान र सिकाइबाट लाभान्वित हुने तथा बहुपक्षीय सहकार्य, समानता, न्याय र साझा भविष्य निर्माणको सन्देश प्रवाह गर्ने सन्दर्भमा सम्मेलन केन्द्रित हुनेछ ।
सो सम्मेलनका क्रममा मुख्य बैठक सहित समानान्तर सत्रहरू, सांस्कृतिक कार्यक्रम र अनुभवको आदानप्रदान, सांस्कृतिक कार्यक्रम, प्रदर्शनी समेत सञ्चालन हुनेछन् ।
यसैगरी, साझा सहमतिसहित महत्वपूर्ण दस्तावेजहरू सार्वजनिक गरिने भएको छ । जसमा ‘एससीओ मिडिया तथा थिङ्क ट्याङ्क सम्मेलन झेङ्झाउ सहमति’ रहेको छ । चिनियाँ दर्शन, सांस्कृतिक सम्पदाको संरक्षणलगायत विषयमा विभिन्न अनुसन्धानात्मक प्रतिवेदनहरु समेत सम्मेलनका क्रममा सार्वजनिक हुने बताइएको छ ।
अप होल्डिङ द साङ्घाई स्प्रिट टु बिल्ड अ मोर ब्युटीफूल होम’ भन्ने नारासहित सुरु भएको सो अन्तरराष्ट्रिय सम्मेलनमा नेपालका तर्फबाट राष्ट्रिय समाचार समिति रासस र गोरखापत्र संस्थानका कार्यकारी अध्यक्षले प्रतिनिधित्व गरेका छन । त्यस्तै मित्रराष्ट्र चीनको हेनान प्रान्तको झेङ्झाउ सहरमा जारी सो सम्मेलनमा नेपालका विभिन्न आम सञ्चार माध्यमका प्रतिनिधि तथा सरकारी अधिकारीहरु समेत सहभागी छन् ।
थप समाचारहरु
जापानमा भूकम्पबाट मर्ने संख्या ४८ पुग्यो
सैन्य अभ्यास गर्दा मलेसियामा दुईवटा हेलिकप्टर ठोक्किँदा १० जनाको मृत्यु
आगामी अमेरिकी निर्वाचन पछि २४ जेठ, पनि रुस–अमेरिका सम्बन्धमा कुनै परिवर्तन नहुने पुटिनको भनाई
नरेशका वकिलको दाबी : ममता काफ्ले जीवितै छिन्
नेपालसँग ऊर्जा सहकार्य अघि बढाउन बंगलादेश तयार
आंशिक दृष्टिविहीन भएका वालकको इन्जिनियर बन्ने सपना
फेसबुकबाट तपाईको प्रतिक्रिया