काठमाडौं । गत असोज १२ मा नागढुंगा–नौबिसे सडक खण्डको झ्याप्ले खोलामा लेदोसहितको भिषण पहिरो गएको स्थानमा अहिले पुनर्निर्माण कार्य तिब्र गतिमा भइरहेको छ ।
चीनियाँ कम्पनी जियाङसु र नेपाली साझेदार कम्पनी सगुन कन्स्ट्रक्सनले उक्त स्थानमा अहिले पुनर्निर्माणसँगै पहिरो रोकथामको काम समेत गरिरहेको हो । कम्पनीका प्रतिनिधि ज्ञानेन्द्र घिमिरेले सो सड्क खण्डको पहिलो खण्डमा करीब ८० प्रतिशत सड्क कालोपत्रे भइसकेको बताए ।
उनका अनुसार पहिरो गएको स्थानमा फेरी पहिरो जाने खतरालाई कम गर्न काम भइरहेको छ । गत वर्षको पहिरोका कारण यातायातका साधन समेत पुरिएका कारण ३५ जनाभन्दा धेरैले ज्यान गुमाएका थिए ।
बाटोभदा करीब २/३ सय मिटरभन्दा माथिल्लो भागमा भएको खाली जमिनमा प्लटिङ व्यवसायीहरुले जग्गा प्लटिङ गरेका थिए । प्लटिङ गर्ने टोलीले प्लटिङ गरेर माटो फालेका थिए । पानी परेपछि सोहि माटो बगेर आयो र त्यसले पहिरो सिर्जना गरेको घिमिरेले बताए ।
‘सोही माटो लेदोसहितको पहिरोमा परिणत भएर आएपछि जाने ठाउँ कहिँ नहुँदा थुनिएर त्यहाँ भएको सानो कल्र्भटमा भरियो । पानीले पनि जाने निकास नपाएपछि सबै लेदो त्यही स्थान भएर बगेकोले ठुलो पहिरोको रुप लिएको हो,‘ उनले भने । यसअघि २०५० सालमा पनि सोही ठाउँमा पहिरो गएको थियो ।
थप समाचारहरु
दुप्चेश्वर मन्दिरमा धान्यपूर्णिमा मेलाको तयारी पूरा
परराष्ट्रमन्त्रीद्वारा अमेरिकी विदेशमन्त्रीलाई बधाई
मौसम पूर्वानुमान : केही भू–भागमा वर्षा र हिमपातको सम्भावना
बजेट छलफलः कार्यान्वयनयोग्य योजना प्रस्ताव गर्न अर्थमन्त्री पौडेलको आग्रह
सरकारी सेवामा इन्टर्न प्रयोग गरिने, कृषिसम्बन्धी परियोजनामा धितो राखेर कर्जा दिइने
यस्तो छ, आज विदेशी मुद्राको विनिमय दर
