रौतहटमा पुरुषको शव फेला, नदीमा डुबेर बालक बेपत्ता

रौतहट । रौतहटमा एक पुरुषको शव फेला परेको छ भने नदीमा डुबेर एक बालक बेपत्ता भएका छन । दुर्गा भगवती र यमुनामाई गाउँपालिकाको सीमा क्षेत्रमा पर्ने झाँझ खोलामा विहीवार पुरुषको शव फेला परेको हो ।

झाँझ खोलामा पुल नजिक शव तैरिदै गरेको अवस्थामा स्थानीयले देखेपछि प्रहरीलाई खवर गरेका थिए । तत्काल घटना स्थलमा पुगेको प्रहरी टोलीले शवलाई नदीबाट बाहिर निकालेको हो ।

गौर पिपरा सडक खण्ड अन्तर्गत पर्ने झाँझा खोलाको पुल नजिक पानीमा तैरिरहेको अवस्थामा पुरुषको शव फेला परेको र पहिचान खुल्न नसकेको रौतहट प्रहरी निरीक्षक रुद्रराज कडेलले जानकारी दिए । शवलाई पोष्टमार्टमका लागि प्रादेशिक अस्पताल गौरमा राखिएको उनले बताए ।

माधवनारायण नगरपालिका–८ वागमती नदीमा दाउरा टिप्न गएका एक बालक डुबेर बेपत्ता र एकको उद्घार गरिएको छ । स्थानिय विन्देश्वर पासवानको १३ बर्षीय छोरा सुधिर पासवान र रामप्रवेश पासवानको १३ बर्षीय छोरा शिवजीकुमार पासवान बुधवार दिउसो २ बजे नदीमा बाढी आएपछि खोलाको बिच धारमा फसेका थिए ।

स्थानीय बासिन्दाहरुले नजिकमा रहेको इलाका प्रहरी कार्यालय पिपरा राजवाडा र सशस्त्र प्रहरीको वेस क्याम्प भलोहियालाइ खबर गरेका थिए । प्रहरी टोली घटना स्थलमा पुग्दा बालक सुधिर पासवान बगिसकेका थिए भने अर्को बालक शिवजीकुमार पासवानलाई सकुशल उद्धार गरिएको जिल्ला प्रहरी कार्यालय रौतहटले जनाएको छ ।

थप समाचारहरु

कृषि क्षेत्र उपेक्षित भएको महोत्तरीका मतदाताको गुनासो गढीमाई मन्दिरलाई विश्व सम्पदा सूचीमा सूचिकृत गराउन पहल गरिनेछ : गृहमन्त्री लेखक आयोजनाको प्रथामिकताका आधारमा ऋण लिनुपर्ने सखुवा प्रसौँनी गाउँपालिकाका पूर्वअध्यक्ष जयसवाललगायत एमालेमा प्रवेश मांसमदिरा बेच्नेलाई कारबाही गर्ने मुख्यमन्त्रीको चेतावनी एलाइट कप क्रिकेट हुने, चार टिमको सहभागिता रहने