एजेन्सी । बलिउड सुपरस्टार सलमान खान बुधबार साँझ आफ्नी पूर्व प्रेमिका तथा सहकर्मी कलाकार संगीता बिजलानीको जन्मदिनको पार्टीमा सहभागि हुँदा निकै रोमान्टिक देखिएका छन् । मुम्बई बान्द्राको एक रेस्टुरेन्टमा पुग्दा उनी ठूलो सुरक्षा घेरामा थिए ।
सलमान कालो टि–शर्ट र जिन्समा अनौपचारिक रूपमा सजिएर कार्यक्रम स्थलमा पुग्दा शुभेच्छुकहरुबाट पनि घेरिएका थिए । आफ्नो फिट शरीर र नयाँ कपालको रंगमा उनी निकै रोमान्चक देखिएका थिए ।
उक्त कार्यक्रमका भिडियोहरू सामाजिक सञ्जालमा भाइरल भएका छन्। एउटा क्लिपमा सलमानले पापाराजीका लागि पोज दिँदै गम्भीर अभिव्यक्ति देखाएका छन्। यद्यपि, कार्यक्रम स्थल बाहिर पर्खिरहेको एक युवा प्रशंसकलाई देखेपछि उनको व्यवहार चाँडै परिवर्तन भएको थियो । बच्चाहरुसँग फोटो खिच्दा, कुराकानी गर्दा, उनको अनुहार उज्यालो भएको देखियो।
पार्टीमा सहभागी अभिनेता अर्जुन बिजलानीले धेरै तस्विरहरु सेयर गरेका थिए जसको एउटा तस्बिरमा उनी आफ्नी श्रीमती संगीता र सलमानसँग पोज दिइरहेको देखिन्छ। बलिउडमा आफ्नो सुरुवाती वर्षहरूमा, सलमान र संगीताको भेट टिभी विज्ञापनको सेटमा भएको थियो। सोहीबेला उनीहरू प्रेममा परेको र धेरै वर्षसम्म डेटिङ गरेका थिए । ९० को दशकमा यो जोडीले विवाह गर्ने तय पनि गरेका थिए तर अन्ततः विवाह रद्द भएको थियो ।
थप समाचारहरु
बेलायतमा ९ वर्षभन्दा कम उमेरका बालबालिकाका लागि यौन शिक्षामा प्रतिबन्ध लगाइने
सुडानमा खाद्यसङ्कट पर्ने संयुक्त राष्टसङ्घीय अधिकारीको चेतावनी
ह्वाइट हाउसबाट निकालिए जेलेन्स्की, पत्रकार सम्मेलन पनि रद्द
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
इरानले युद्ध पछिको घाटाबाट उठ्न तेल बेच्नु आवश्यक ःराष्ट्रपति ट्रम्प
भारतमा उद्धारपछि फर्केका नेपाली भन्छन् : ‘सयौं नेपाली भारतमा फसिरहेका छन्’
