काठमाडौं । इरान र इजरायलबिच चर्किएको द्वन्द्व बढ्दै गएर खतरा बढ्न थालेपछि तेल अभिभका बासिन्दाहरू भूमिगत पार्किङ स्थलमा आश्रय लिन बाध्य भएका छन् । दुई मुलुकबिच जारी द्वन्द्वमा भइरहेको क्षेप्यास्त्र आक्रमणको लहरबाट बच्नका लागि त्यहाँका जनताहरुलाई भूमिगत आश्रयहरूमा सुरक्षा खोज्न बाध्य पारेको हो ।
संयुक्त राज्य अमेरिकाले आइतबार आफ्नो आणविक स्थलहरूमा आक्रमण गरेको केही घण्टापछि इरानले इजरायलविरुद्ध फेरी क्षेप्यास्त्र आक्रमणको सुरु गरेको छ । इजरायलको स्वास्थ्य मन्त्रालयका अनुसार, आक्रमणमा कम्तिमा ८६ जना घाइते भएका छन् ।
इजरायलको सबैभन्दा ठूला शहरहरू मध्ये एक, तेलअभिभमा रहेको एक शपिङ मलको भूमिगत पार्किङ स्थललाई अस्थायी आश्रय स्थलमा परिणत गरिएको छ । पाल, सुत्ने म्याट र न्यूनतम आपूर्तिहरू सहितको आश्रय स्थलले त्यहाँका जनाताहरुलाई क्षेप्यास्त्र आक्रमणबाट जागाउने छ ।
‘सबै कुरा सोमबार राति, पाँच दिन अघि भएको थियो, किनभने सोमबार राति पिन्स्कर स्ट्रिटमा धेरै नजिकै एउटा ठूलो मिसाइल प्रहार भएको थियो । र यहाँ बस्ने धेरै मानिसहरू तेल अभिभ र मध्य तेल अभिभमा के भइरहेको छ र त्यो सबै कुराबाट धेरै डराए । हामीले यी धेरै पार्किङ स्थलहरूको तस्बिरहरू पायौं जुन आश्रयस्थल बनेका थिए । यो आश्रय स्थलले मंगलबार भएको मिसाई आक्रमण बाट करीब १ हजार जना स्थानियलाई सुरक्षित बनाएको छ,’ इफ्रेम नामक एक शरणार्थीले भने ।
‘इरानको आक्रमणको कारण बाहिर खतरा छ । त्यसैले मेरो फ्ल्याट पनि असुरक्षित छ त्यसबाट बच्नकालागि यो जटिल परिस्थितिमा मैले यहाँ बस्ने निर्णय गरें । यहाँ म बढी सहज महसुस गर्छु किनभने यो सुरक्षित ठाउँ हो । यद्यपि यो भूमिगत पार्किङ हो र यहाँ हामीसँग धेरै मानिसहरू छन् जसले एकअर्कालाई मद्दत गर्छन्,’ स्थानीय बासिन्दा मारिनाले भनिन् ।
थप समाचारहरु
नेपाल चिनाउने कार्यक्रममा राजदूत अनुपस्थित भएको गुनासो
इजरायली सेनाले गरेको सैन्य बफर विस्तारले प्यालेस्टिनीहरू विस्थापित
अमेरिकाको टेक्सास राज्य संसद्द्वारा ‘बुद्ध डे’ मनाउने प्रस्ताव पारित
हमास र इजरायलबीच कतारमा वार्ता, मध्यस्थता गर्दै कतार र अमेरिका
अमेरिकाको नयाँ नीतिपछि मेक्सिकोले सुरु गर्यो ‘मेड इन मेक्सिको’ अभियान
इजरायल–इरान द्वन्द्वले बजारमा अस्थिरता बढाएपछि तेलको भाउमा वृद्धि
