काठमाडौं । डडेलधुरा जिल्लाको परशुराम नगरपालिका मातहतको १५ शैय्याको जोगबुढा अस्पताल ५० शैय्यामा स्तरोन्नति हुने भएको छ । मन्त्रीपरिषद्को बैठकले अस्पताललाई ५० शैय्यामा स्तरोन्नति गरी प्रदेश सरकारले सञ्चालन गर्ने गरी स्वीकृति दिएको हो ।
नगर प्रमुख भरत जोशी यो सबै नगरबासीका लागि खुसीको क्षण रहेको बताउँछन् । ‘नगरबासीले आफ्नै गाउँ ठाउँमा गुणस्तरीय स्वास्थ्य सेवा सर्वसुलभ तरिकाले पाउनुपर्छ भन्ने हाम्रो मान्यता थियो । त्यसैअनुरूप हाम्रो निरन्तरको प्रयास, लामो र झन्झटिलो प्रक्रिया पार गर्दै सार्थक भएको छ’ उनले भने ।
यस्तै डडेलधुराको परशुराम नगरपालीकाले नगर गौरबको आयोजना अन्तर्गत क्रिकेट रंगशाला पनि बनाउने भएको छ । नगरपालीकाका प्रमुख भरत बडायर जोशीले नगर गौरबको आयोजना अन्तर्गत राष्ट्रिय स्तरको क्रिकेट रंगशला बनाउन लागेको जानकारी दिएका हुन् । परशुराम क्रिकेट रंगशाला बनाउन टेन्डरको आह्वान समेत भईसकेको छ ।
नगरपालीका यसअघि डडेलधुराको परशुराम नगरपालिकाले कक्षा ११ मा अध्ययनरत सम्पुर्ण विद्यार्थीहरूलाई निःशुल्क शिक्षा दिईने घोषणा गरेको थियो । परशुराम नगरपालिकाभित्र कक्षा ११ मा अध्ययनरत सम्पूर्ण विद्यार्थीहरूलाई निःशुल्क पढ्ने व्यवस्था मिलाएको छ ।
थप समाचारहरु
कैलालीमा आरन व्यवसायबाट राम्रो आम्दानी
‘फोटोग्राफी’बाट मनग्ये कमाउँछन् कैलालीका युवा
सिसीटिभी क्यामेरा बिग्रिँदा अपराध अनुसन्धानमा बाधा
१४ वर्षदेखि अपुरै बाजुराको गुइगाड खोला पुल, हस्तान्तरण नहुँदै जीर्ण
पहिरोले महाकाली राजमार्ग अवरुद्ध
परशुराम नगरपालिकाद्वारा ‘छोरी, बुहारी छात्रवृत्ति’ कार्यक्रमको निरन्तरता
