भारत र पाकिस्तानबीच युद्धविराम घोषणा

२७ वैशाख, काठमाडौं । भारत र पाकिस्तानबीच युद्धविराम घोषणा भएको छ । भारतीय विदेश सचिव विक्रम मिश्रीका अनुसार आज बेलुका ५ बजेदेखि लागू हुनेगरी युद्धविराम घोषणा भएको हो ।

यसअघि अमेरिकी राष्ट्रपति डोनाल्ड ट्रम्पले भारत र पाकिस्तान युद्धविराम गर्न सहमत भएको घोषणा गरेका थिए । ट्रम्पको दाबी अनुसार, अमेरिकाको मध्यस्थतामा भएको लामो वार्तापछि युद्धविरामका लागि दुवै देश सहमत भएका हुन् ।

ट्रम्पले सामाजिक सञ्जालमार्फत आफूले युद्धविराम घोषणा गर्न पाउँदा खुशी भएको बताएका छन् । ‘सामान्य ज्ञान र महान वुद्धिमता प्रयोग गरेकोमा दुवै देशलाई बधाइ छ,’ ट्रम्पले भनेका छन् ।

दक्षिण एसियामा आणविक शक्ति सम्पन्न यी दुई छिमेकी चार दिनदेखि हानाहान गरिरहेका थिए । उनीहरूले युद्ध घोषणा नगरे पनि लडाइँ सघन हुन थालेको थियो । पछिल्लो अमेरिकी विदेशमन्त्री मार्को रुबियोले भारतीय विदेशमन्त्री एस जयशंकर तथा पाकिस्तानका विदेशमन्त्री र सेना प्रमुखसँग पनि कुरा गरेका थिए ।

थप समाचारहरु

भारतको ‘अपरेशन सिन्दूर’को जवाफमा पाकिस्तानले सुरु गर्‍यो ‘बुनयान-उल-मरसूस’ हमासको हवाइ आक्रमणको कमाण्डर मारिएको इजरायलको दाबी एक हप्ता अघि सुरुङभित्र फसेका ४० मजदुरको अझै भएन उद्धार बंगलादेशमा मतदान जारी, विपक्षीको बहिस्कार खगोलविद्हरूले भेटाए तीव्र गतिको ब्ल्याक होल जसले हरेक दिन खाइरहेको छ एउटा सूर्य नाभाल्नीको शव उनकी आमालाई जिम्मा लगाइयो