काठमाडौं । भ्रष्टाचार, सुशासन, वातावरणीय परिवर्तन, स्वास्थ्य, शिक्षा तथा सामाजिक न्यायजस्ता विषयमा गहिरो अनुसन्धान र खोज पत्रकारिता गर्न चाहने पत्रकारहरूलाई लक्षित गर्दै बारबरा फाउन्डेसनले ‘खोजमूलक पत्रकारिता फेलोसिप–२०८२’ घोषणा गरेको छ।
देशमा भ्रष्टाचारले शासन प्रणालीलाई चुनौती दिइरहेको र नागरिकहरूले सुशासनको माग गरिरहेको वर्तमान अवस्थामा, पत्रकारितामार्फत प्रभावकारी आवाज उठाउने उद्देश्यसहित चारवटा फेलोसिप प्रदान गरिने फाउन्डेसनले जनाएको छ। फेलोसिपका लागि इच्छुक पत्रकारहरूले २०८१ चैत मसान्तभित्र प्रस्ताव पेश गर्नुपर्नेछ। स्वीकृत भएका प्रस्तावहरूका आधारमा छनोट भएका पत्रकारहरूलाई जानकारी गराइनेछ।
फेलोसिप अन्तर्गत तयार गरिने अनुसन्धान तथा खोजमूलक सामग्री २०८२ चैत मसान्तभित्र प्रकाशित भइसकेको हुनुपर्ने व्यवस्था गरिएको छ। फाउन्डेसनले खोजमूलक पत्रकारिताको विकासमा टेवा पुर्याउने उद्देश्यले यो फेलोसिप ल्याएको हो। सम्पर्कका लागि फाउन्डेसनको कार्यालयलाई सचिवालयका रूपमा प्रयोग गरिनेछ।
थप समाचारहरु
माइतीघर मण्डलाबाट सिके राउतसहित पक्राउ
विश्व वातावरण दिवसः ‘हाम्रो भूमि, हाम्रो भविष्य’ भन्ने मूल नारासाथ मनाईदै
नरेशका वकिलको दाबी : ममता काफ्ले जीवितै छिन्
डिजेल र मट्टितेलको भाउ बढ्यो
इ–नेवल नेपालद्वारा अमेरिकन प्रविधिबाट निर्मित कृतिम हात निःशुल्क वितरण
नेपाल र भारतबीच अन्तरदेशीय प्रसारण लाइन निर्माणको ‘मोडालिटी’मा सहमति
