काठमाडौं । माओवादी केन्द्रका अध्यक्ष पुष्पकमल दाहाल (प्रचण्ड) ले आगामी निर्वाचनमा जनताको तागतको बलमा निर्वाचन गरी संघर्षमा जाने बताएका छन् ।
शनिबार राजनैतिक प्रशिक्षण कार्यक्रममा बोल्दै उनले माओवादी आगामी निर्वाचनमा कांग्रेस, एमालेसँग समिकरण नगर्ने बताएका हुन् ।
उनले भने, ‘अब आउने दिनमा माओवादी केन्द्रले नेपाली कांग्रेस, एमालेसँग समिकरण गर्ने कुरालाई हैन आफ्नै खुट्टामा उभिएर आफ्नै जनताको तागतको बलमा निर्वाचन गरी संघर्षमा जानेछ । हिजो ०६४मा जसरी आफ्नै एजेण्डाको बलमा आफ्नै जनताको तागतमा गएका थियौं अब एकचोटि फेरी हामी आफ्नै जनता र वर्गतिर जानुपर्छ भन्ने हाम्रो निष्कर्ष छ ।’
साथै उनले संगठानात्मक गतिविधि जुन स्टिममा अगाडि बढ्नुपर्ने हो त्यो पार्टीभित्र नबढेको बताए । उनले पार्टी भित्रको गुटबन्दी, अराजकता, सबै हटाउनुपर्ने बताए ।
उनले भने, ‘हाम्रो पार्टी जस्तो स्थितीमा अहिले छ पार्टी भित्रको गुटबन्दी, अराजकता, असाध्यै बढि व्यत्तिवादी आत्मकेन्द्रित हुने प्रक्रियामा छ । संगठानात्मक गतिविधि जुन स्टिममा अगाडि बढाउनुपर्ने थियो त्यसरी बढेको छैन, त्यसकारण हामीले यो यथास्थितीलाई तोड्पर्ने हुन्छ र नयाँ यथार्ततिर नयाँ प्रक्रियातिर हामी जानुपर्ने हुन्छ भनेर हामीले संकल्प लिएका छौं ।’
थप समाचारहरु
बालकुमारी घटना हुनुमा भौतिकमन्त्री जिम्मेवार हो : केपी ओली
सराङकोटको विकासमा सघाउने प्रधानमन्त्रीको प्रतिबद्धता
व्यवस्थासँगै अवस्थामा पनि परिवर्तन भइरहेको उपप्रधानमन्त्री सिंहको दावी
अन्तर्राष्ट्रिय सम्बन्ध र पर्यटन समितिको बैठक आज बस्दै
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
त्रिवि क्रिकेट मैदान पुनर्निर्माण तोकिएकै मितिमा पूरा हुने
