काठमाडौं । आज (मंगलवार) संघीय संसदमा सांसदहरुको स्वास्थ्य परीक्षण गरिएको छ ।
स्वास्थ्य तथा जनसंख्या मन्त्रालयको नसर्ने रोगहरुको देशव्यापी परीक्षण कार्यक्रम अन्तर्गत आज सांसदहरुको स्वास्थ्य परीक्षण गरिएको हो ।
सञ्चारकर्मीहरुसंग कुरा गर्दै स्वास्थ्य तथा जनसंख्या मन्त्री प्रदिप पौडेलले अब हरेक वर्ष फागुनको महिला स्क्रिनिङको महिना हुने बताए । उनले हरेक स्वास्थ्य चौकीमा स्क्रिनिङको व्यवस्था गरिएको भन्दै सार्वजानिक सुचना जारी गरेको बताए ।
उनले भने, ‘फागुन महिना स्क्रिनिङको महिना भनेर घोषणा गरेका छौ । त्यो ग्रामिण भेगमा पुर्याउनको लागि नेपालको सबै स्वास्थ्य संस्थाहरुमा स्क्रिनिङ गराउनको लागि तोकेको मिति हो । अब हरेक फागुन महिना स्क्रिनिङको महिना हुनेछ ।’
उनले बढि प्रचारप्रसार गर्न र विश्वसनीयता बढाउन संसदमा स्क्रिनिङ गरेको बताए । उनले संसदभित्र भएका सबै कर्मचारी, सांसद लगायतको परिक्षण गरिएको पनि बताए ।
स्क्रिनिङमा मधुमेह जाँच, रक्तचाप, मिर्गौला सम्बन्धी रोगको जाँच, उचाइ र तौलको आधारमा बि.एम.आई मापन सेवा निःशुल्क प्राप्त गर्न सकिने छ ।
थप समाचारहरु
अटिजम भएका बालबालिकाको हेरचाहका लागि निर्देशिका तयार पार्न समिति गठन
‘अहिले हाम्रो सरदर आयु ७२ वर्ष किन पुगेको छ हामीले बालमृत्यु दर घटाइदियौँ
गण्डकी प्रदेश मातहतका अस्पताल स्तरोन्नति गरिँदै
रामेछाप आयुर्वेद चिकित्सालय : घर–घर जाँदै, नसर्ने रोगका बिरामी पहिचान गर्दै
मेडिकल कलेजहरुले १९ हजार मात्र तलव दिएको भन्दै डाक्टरहरु सडकमा !
युएसएआइडीको सहयोग रोकिदा एचआईभी/एड्स रोकथाममा चुनौती
