काठमाडौं । नेपाली कांग्रेसका सांसद एनपी साउदले कञ्चनपुरको महाकाली सिँचाइ तेस्रो परियोजना विस्तारका क्रममा प्रभावित हुन पुगेका मुक्त कमैया परिवारलाई तत्काल मुआब्जा उपलब्ध गराउन सरकारसँग माग गरेका छन् ।
प्रतिनिधि सभाको सोमबारको बैठक बोल्दै उनले सिँचाइ परियोजनाबाट प्रभावित शुक्लाफाँटा नगरपालिका– ८ र ९ मा बसोबास गर्दै आएका मुक्त कमैयालाई तत्काल मुआब्जा उपलब्ध गराउन सरकारसँग माग गरेका हुन् ।
उनले भने, ‘महाकाली सिँचाइ तेस्रो परियोजना विस्तारका क्रममा केही किसानको जग्गा अधिग्रहणमा परेको छ । अधीग्रहणमा परेको जग्गामध्ये शुक्लाफाँटा नगरपालिका–८ र ९ का मुक्त कमैयालाई उपलब्ध गराइएको जमिन पनि परेको छ, जमिन अधीग्रहणमा परेका केहीले मुआब्जा पाइरहेको पनि भूमि सुधार मन्त्रालयले सिँचाइ मन्त्रालयलाई पत्र नदिएका कारण मुआब्जा रोकिँदा मुक्तकमैयाहरु फेरि बेघर भएका छन् ।
परियोजनाका सन्र्दभमा किसानले मुआब्जा कम भयो र बढाई दिनुपर्छ भनेर सिडियो कार्यालयमा निवेदन दिएर गृह मन्त्रालयबाट पुर्न मूल्यांकन गर्नुपर्ने माग राखिरहेको बेला मुक्त कमैयाले समेत अलपत्र पर्नु गम्भीर घटना हो ।
साथै उनले किसानले मुआब्जा रकम कम भएका कारण मुआब्जा बढाइदिन जिल्ला प्रशासन कार्यालयमा निवदेन दिए पनि सुनुवाइ नभएको बताए ।
थप समाचारहरु
स्ववियू भक्तपुरले खन्यायाे रजिस्ट्रारकाे अफिस अगाडि भत्काएको संरचना
आज रातिदेखि कीर्तिपुर र काठमाडौं-१६ मा मदिरा बेचबिखन निषेध
विद्युत प्राधिकरणलाई इलेक्ट्रिकल इन्जिनियरहरुको हब बनाउनुपर्छ : कुलमान घिसिङ
त्रिविका कार्यकारी निर्देशक र पदाधिकारीको पारिश्रमिक विषयमा आपत्ति
सहकारी बचतकर्ताको रकम यथाशीघ्र फिर्ता गर्नुपर्ने माग
सबै पक्ष सकारात्मक हुनुपर्छ, नकारात्मक भएर केही पनि हुँदैन : मुख्यमन्त्री लामा
