मकवानपुर । बागमती प्रदेश सभा सञ्चालनका लागि सर्वदलीय बैठक बस्दै छ । संसदमा प्रतिनिधित्व गर्ने दलहरूबिच प्रदेशसभा सञ्चालनका लागि मंगलबार सर्वदलीय बैठक बस्ने तय गरिएको हो ।
प्रदेशसभाका सभामुख भुवनकुमार पाठकले मंगलबार अपराह्न ३ बजे बस्ने गरी सर्वदलीय बैठक आह्वान गरेका हुन्। प्रदेशसभाको माघ २३ गते बिहान ११ बजे बस्ने बैठकको कार्यक्रम र सत्तापक्ष र प्रतिपक्ष दल बिचको विवाद समाधानका लागि बैठक आह्वान गरिएको उनले बताए ।
प्रदेश सरकारले ल्याएका विभिन्न ४ वटा विधेयकलाई दफावार छलफल तथा संशोधनका लागि समितिमा पठाएर पारित गर्नुपर्ने भएपनि संसदको कार्यक्रम अघि बढ्न सकेको छैन । दलहरू बिच सहमतिको वातावरण तयार गर्न सर्वदलीय बैठक आयोजना गरिएको सभामुख पाठकले बताए ।
प्रदेशसभाको गत माघ १८ गते बसेको बैठकमा प्रतिपक्ष दलको सहमति नहुँदा संसदमा पेश गर्न तयार गरिएको विधेयक सम्बन्धी कार्यसूची हटाइएको थियो ।
थप समाचारहरु
नेपाल विश्वविद्यालयको कुलपतिमा डा.लोहनी चयन
‘स्थानीय उद्यमशीलताको विकास र रोजगारी सृजना अहिलेको अवश्यकता
‘केपी ओली कप २०८१’ आगामी फागुन ११ गते देखि सुरु हुँदै
युवा, उद्यम र रोजगारी
जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री
‘विश्वव्यापी उपभोक्ता प्रदर्शन २०२५’ आजबाट सुरु
