मुगु । नेपाल निजामती कर्मचारी संगठन जिल्ला कार्यसमिति मुगुले मुगुका विपन्न घर परिवारका बिरामीलाई राहतस्वरुप रकम सहयोग गरेको छ । यो वर्ष नेपाल निजामती कर्मचारी संगठन जिल्ला कार्यसमिति मुगुले एक लाखसम्म रकम संकलन गरी मुगुका विपन्न घर परिवारका जटिल रोगका बिरामीलाई राहत रकम सहयोग गरेको हो ।
‘समाजिक कार्यमा हाम्रो सहभागिता’ भन्ने उदेश्यका साथ नेपाल निजामती कर्मचारी संगठन जिल्ला कार्यसमिति मुगुले रकम संकलन गरी मुगु जिल्लाका विपन्न गरिब घरपरिवारका ५ जना जटिल रोगका बिरामीहरुलाई संकलित रकम सहयोग गरेको नेपाल निजामती कर्मचारी संगठन जिल्ला कार्यसमिति मुगुका अध्यक्ष सोनाम तोर्चे लामाले जानकारी दिए ।
मनकारी कर्मचारीबाट यो वर्ष एक लाख रकम संकलन गरेको र त्यही रकममध्येबाट जटिल रोगका बिरामी मुगुम कार्मारोङ गाउँपालिका– ५ सरोग गाउँका उर्गिन टोमा लामालाई १५ हजार, छायाँनाथ रारा नगरपालिका १३ लुमका बिग्नेश खड्कालाई २२ हजार, सोरु गाउँपालिका ३ भिई गाउँका अशोकलाल बुमिलाई २२ हजार, सोरु गाउँपालिका– ४ लिब्रु गाउँका दानबहादुर बुढालाई १५ हजार र सोरु गाउँपालिका वडा नं ९ खनाय गाउँका अभिराज शाहीलाई २२ हजारका दरले रकम सहयोग गरेको अध्यक्ष लामाले बताए ।
मानसिक समस्या, क्यान्सरलगायत जटिल रोगका बिरामीहरु आर्थिक अभावमा रोग पालेर बस्न बाध्य भएका छन् । त्यस्ता जटिल दीर्घरोगीलाई मलमपट्टी होस् र केही उपचारमा सहयोग पुगोस् भन्ने उदेश्यका साथ नेपाल निजामती कर्मचारी संगठन जिल्ला कार्यसमिति मुगुले मनकारी कर्मचारीहरुबाट रकम संकलन गरी विपन्न गरिब जटिल रोगको शिकार भएकाहरुलाई सहयोग गरेको नेपाल निजामती कर्मचारी संगठन जिल्ला कार्यसमिति मुगुले जनाएको छ ।
थप समाचारहरु
ओमानका अनुभवी खेलाडी मक्सूद कर्णाली याक्समा अनुबन्ध
पछिल्लो समय मुगुमा मह उत्पादनबाट एक करोडको कारोवार
कर्णाली प्रदेशबाट रु चार अर्ब बढीको कृषि तथा पशुजन्य उपज निकासी
मुगुका स्थानीय तहको मूल्यांकन : कार्यसम्पादनमा सोरु पहिलो, वित्तीय क्षेत्रमा मुगमकार्मारोङ
सुर्खेत–जुम्ला विमानस्थल विस्तार गर्न ११ अर्ब लाग्ने
कर्णाली सरकारको बजेट कार्यान्वयन निराशाजनक, हालसम्म २० प्रतिशत मात्रै खर्च
